Mirando cu un gobierno di MEP ta ser reemplasa pa AVP y sin Futuro pa nos cu a pertenece n’e lucha y e legado di e partido y cu a goberna Aruba desde 1986 total mi persona den nada menos 4 gabinete y cu mr. EvelineWever-Croes cu a guia 2 gabinete cu tur honor y dignidad ta laga un relato financiero economico cu e proximo gobierno por goberna trankil tanten nan keda haci lo corecto pa nos pueblo.
Ultimo cu mi a bay pa motibo di apenas 3% BBO cu su meta tabata ta pa keda baha belasting directo, introduci belasting indirecto y paulatinamente bin cu BBO na caminda pa un BTW. Esaki a ser priminti den campaña 2009 cu mesora den gobierno AVP lo elimine.
Awe 18 aña despues nada di kit’e, pero a ta casi 10%!!!!Ken a kere ken y gaña ken bo mes lo por conclui. Ora nos a bay na 2009 e debe relata na nos GDP no haci solamente pa gabinete Oduber , pero debe acumula di tur e gobierno nan desde 1986 tabata 43% di nos GDP locual ta hopi bon segun normanan di IMF! Tur indicador cu nos a laga tabata positivo, unda e debe relata na nos GDP tabata 43%.
Nos a laga 960 miyon florin na placa pa traha cu ne di cual 280 miyon florin di placa cu nos a exigi Hulanda paga nos di Plant NV/Marriott Hotel su benta, 250 miyon florin di e caso di 3% BBO Valero caso legal cu nos a gana den corte na Hulanda, 190 miyon florin den e fondo di FDA, placa cash 34 miyon florin, 10 miyon florin di ganashi banco central y hala di proyecto cla pa ehecuta, manera Ritz Carlton Hotel etc.
Awo cu nos gobierno cu a inicia na 2017 ta bay cu a hereda redoblacion di nos debe nan pa Gabinete Eman te na 96% di nos GDP, cu 2 aña a paralisa nos economia door di e pandemnia COVID-19 Gabinete Wever-Croes a baha e debenan te na 71% di nos GDP cu ta laga atras 500 miyon di surplus pa bay masacra, manera durante 2009-2017 cu un pais cu yen di elogio door di e Institutonan financiero, manera Fitch, Standard and Poors, etc.
Ban mira awor cu 40% a vota pa ken cu ta bira kico cu ta y cos sigur lo bay con cu ta prepara pa locual ta bay bin. Festival di malgasta y masacra placa ya cu Sinterklaas, Robin Hood a bin na maart caba!!! Orguyoso di ta MEP. Ban mira si tin hende cu lo a cambia di haci debe cu ainda tin 4 gabinete pa keda paga. Bo lo cosecha y come pan cu diabel mes a mansa. Lucifer lo no cambia. Ni cuanto e camoufla su mes diabel ta keda diabel.
Un berdad y realidad. Nos ta hendenan responsabel y ta goberna cu vision pa futuro. Ban mira ken bo a trece den cas. Cuminsa tene bo curazon pa locual ta bay bin.
