Diadomingo 13 november 2022, Aruba Amateur Weightlifting Association a organisa nan Campuonato Nacional di hisamento di peso cu a tuma lugar den Compleho Deportivo Frans Figaroa na Noord. Esaki enconecion cu celebracion di ASU-Olimpiada. 

Na e Campionato Nacional aki tabata tin participación di atleta di TNT Gym, Paradise Strength Aruba,  E2Rep y Body Fitness Gym & Nutrition Tur e cuatro club nan tabata tin atletanan masculino y femenino. Den un bon ambiente y bon motiva y anima e atletanan a start e competencia pa 11:00 mainta cu e atletanan femenino sigi pa e masculino. 

Aquí ta sigi cu resultado den categoría di femenino y después AAWA ta manda e resultadonan di categoría di masculino.

Den categoria di 55kg na prome lugar a bai pa Cythlynne Lanoy di TNT Gym cu a snatch 55kg, clean & jerk 68kg pa un total 123kg, segundo lugar a bai Nayeli Besaril di E2Rep cu un total di 88kg y tercer lugar a bai pa Hanny Miranda di TNT Gym cu un total di 71kg. 

Den categoría 59kg nos ta hanja Jenelee Camara di E2Rep ta logra pone un total di 85kg ta termina na di prome lugar. 

Den categoría di 64kg Eliana Gonzalez di BFN ta gana prome lugar cu un total di 154kg sigi na di segundo lugar pa Andrea Galindo di TNT Gym cu total di 125kg, Tercer lugar Chantal Mousalli di TNT Gym cu un total di 107kg, cuatro lugar a bai pa Nalia Figaroa di E2Rep cu un total di 105kg y cinco lugar a bai pa Jeanelly Everon di BFN cu total di 90kg. Nos por bisa cu e atleta Chantal tin apenas 13 anja y a competi bon

Nicky Garcia di E2Rep den categoría di 71kg ta logra sali na prome lugar, segundo lugar abai pa Corina Boekhoudt di PSA cu un total di 83kg y tercer lugar abai pa Angelli Thode di TNT Gym cu 82kg

Nataly Geerman den categoría di 76kg di TNT Gym ta pone un total di 195kg ta logra prome lugar.

Madeline Martinus di TNT Gym su so den categoría di 87kg ta logra un prome lugar cu un total di126kg.

Den categoría di +87 e atleta Ahley Alberts di BFN ta pone un total di108kg ta sali na di prome lugar.

Na final di e competencia a saca e ganadornan di e competencia den ramo femenino.

Trofeo den categoría di Youth Sub-15 gandor absoluto a resulta Cythlinne Lanoy y trofeo pa segundo lugar a bai pa Chantal Mousalli.

Ganador absoluto denYouth Sub-17 trofeo a bai pa Angellie Thode na di prome lugar y trofeo na di segundo lugar a bai pa Hanny Miranda.

Den categoría di Junior Sub-20 ganador absoluto ta Nayeli Besaril cu a bai cu e bonita trofeo.

Den categoría di Senior Nataly Geerman ta sali como ganador absoluto y ta gana e trofeo na di prome lugar.Trofeo pa segundo lugar a bai pa Nicky Garcia y trofeo na di tercer lugar bai pa Andrea Galindo.

Por ultimo den categoría di Master 30 plus ganador absoluto a resulta Eliana Gonzalez cualogra baicu e bonita trofeo, trofeo pa segundo lugar a bai paJeanelly Everon y trofeo pa di tercer lugar a bai Corina Boekhoudt.

Na e Campionato Nacional tabata presente Minister di Enseñansa y Deporte Sr. Endy Croes cu a duna un speech elecuento  na e atletanan y a desea nan tur clase di éxito den nan competencia.

Tambe presente tabata Comisión Tecnico di Comité Olimpico Arubano cuta Sra. Monica Fajardo, Edmudo Josiah cu a bin pa motiva y papia cu algún atletanan cu ta forma parti di preselecion di COA.

Riba e potret nos por a wak presente ta e presidente nobo di Aruba Sport Unie Sra. Soraida Boekhoudt cu a entrega e medayanan y trofeo nan na  e atletanan ganador.

Aruba Amateur Weightlifting Association kier a manda palabra di gradicimento na Stichting Sportsunsidie  Aruba, Lotto pa Deporte y Aruba Sport Unie cu a sponser e Campionato Nacional aki y manda pabien na tur e atletanan cu a logra kibra nan record personal y atletanan cu ta participa pa prome biaha. Tambe ta gradici e clubnan cu a participa cu ta E2Rep, Paradise Strength Aruba y TNT Gym y Body Fitness Gym & Nutrition pa nan participación, entrenadornan, referee’s y tambe tur e voluntarionan cu a juda hasi e Campionato Nacional 2022 di hisamento di peso aki uno exitoso.

LEAVE A REPLY

Please enter your comment!
Please enter your name here