Siñamento divertido online y conectando mucha den henter Caribe Hulandes

Recientemente e prome Gran Quiz Bibo di Naturalesa organisa pa Dutch Caribbean Nature Alliance (DCNA) tabata comienso di un forma creativo nobo y divertido pa involucra mucha atravez di e-learning den naturalesa di Caribe Hulandes. Siman pasa, 24 ekipo di 1 pa 4 mucha entre 11 y 14 aña a competi den un quiz vivo online na Aruba, Boneiro, Corsou, Saba, Sint Maarten y Sint Eustatius. Despues di hopi ronda di pregunta exitante y emocionante tocante naturalesa un team na Saba a sali ganado. Sint Maarten a keda na di dos luga y na di tres luga Boneiro.

Dutch Caribbean Nature Alliance (DCNA), un red regional di area protegi estableci pa yuda e Organisacion di Maneho di Área Protegi di e seis islanan, ta sostene, entre otro, programa di educacion tocante naturalesa. Desafortunadamente, e evento anual di Intercambio di Ranger Hubenil (Junior Ranger Exchange Event) di DCNA, cu ta trece hoben di e seis islanan di Caribe Hulandes hunto na un isla pa siña mas tocante naturalesa di otro, a keda cancela e aña aki debi na e crisis di corona. Sinembargo, pa contraresta e circunstancianan di e aña aki cu positivismo, a crea e Gran Quiz Bibo di Naturalesa online pa mehora e sosten tanto na e oficialnan di educacion di naturalesa, como na e hobennan, mientras cu e hobennan ta keda safe na nan respectiva islanan.

E quiz vivo tabata inclui pregunta tocante tema manera Flora y Fauna, Ecosistema, Adaptacion na Clima y Sostenibilidad y pregunta tocante e Parkenan Nacional di Caribe Hulandes, administra pa STINAPA Bonaire, CARMABI na Corsou, Aruba National Park Foundation, Saba Conservation Foundation (SCF ), STENAPA y St Eustatius y Nature Foundation Sint Maarten (NFSXM).

Nos ta hopi orguyoso di e muchanan cu a participa. Tabata tremendo pa wak e muchanan hopi entusiasma di henter Caribe, pero mas importante ainda tabata un gran oportunidad pa siña conoce e otro islanan y nan naturalesa. Nos ta spera di por bolbe realisa e evento aki den futuro!“, Tineke van Bussel y Dahlia Hassell, e organisadonan di Big Live Nature Quiz di DCNA ta bisa.

Na Boneiro e muchanan di Jong Bonaire y e Junior Rangernan di Stinapa a reuni na Jong Bonaire. SCF y Saba Nature Education a coorganisa un evento na Long Haul. Na Sint Maarten, NFSXM tambe a reuni cu e Junior Rangernan. Na St. Eustatius STENAPA a reuni mucha di Golden Rock Roman Catholic School y di Bethel Methodist School hunto. Ademas di e gruponan aki, tambe tin mucha cu a participa for di nan cas. Nos ta masha gradici na tur cu tabata involucra y cu a brinda e muchanan e oportunidad pa participa.

Masha pabien na e ekiponan Ganado. E ekipo ganado na Saba pronto lo bay haci un trip di snorkeling/diving y e otronan lo ricibi un t-shirt cu e logo. DCNA tin como meta pa haci e evento aki tur aña, posiblemete tambe pa adulto. Pues, si bo a keda afo e aña aki, keda pendiente pa e canalnan di medio (social) di DCNA y nos ta spera di wak bo otro biaha.

Macintosh HD:Users:tineke:Library:Containers:com.apple.mail:Data:Library:Mail Downloads:6E95963D-183D-4246-9B68-CA011BD986F7:big-live-nature-quiz.jpg

Big Live Nature Quiz di DCNA: life for di studio cu anfitrion Sander Teeuwisse interactuando cu e muchanan di henter Caribe Hulandes

Macintosh HD:Users:tineke:Downloads:WhatsApp Image 2020-11-26 at 21.52.15.jpeg

Saba: Ganado na di prome luga di Big Live Nature Quiz

Macintosh HD:Users:tineke:Library:Containers:com.apple.mail:Data:Library:Mail Downloads:62392500-B136-4DD5-9D33-2AF7B3A6D5E3:View recent photos.png

Sint Maarten: Ganado na di dos luga di Big Live Nature Quiz

Macintosh HD:Users:tineke:Downloads:WhatsApp Image 2020-11-26 at 21.49.32.jpeg

Boneiro: ganado na di tres luga di Big Live Nature Quiz

Op Bonaire, organizeerde Jong Bonaire een evenement voor haar kinderen en Stinapa’s Junior Rangers, waar enthousiast werd meegedaan aan de DCNA’s Big Live Nature Quiz- Dutch Caribbean. Photo credit: Judie Morgan- Bonaire Reporter

Enthousiaste deelnemers van Jong Bonaire tijdens DCNA’s Big Live Nature Quiz- Dutch Caribbean. Photo credit: Judie Morgan- Bonaire Reporter

LEAVE A REPLY

Please enter your comment!
Please enter your name here