Dia 8 di maart 2025 tabatin e Reunion General (ALV) den Centro di Bario Savaneta, unda directiva a pidi aprobacion di varios decision importante y comparti algun informacion relevante pa e futuro di e organisacion deportivo aki.
Algun decision y desaroyo importante
- E periodo oficial di presidente Andy Thijsen a caba y durante e reunion general aki a tuma un decision unanime pa renomin’e pa un otro periodo.
- Miembro di directiva, Howard Maxwell a entrega su retiro voluntario como miembro di directiva, door di reto cu salud y su retiro a haya aceptacion di directiva desde 8 di maart 2025. Directiva ta sumamente gradici pa e excelente trabou cu Howard a ehecuta den e periodo di su miembrecia como directiva y ta dese’e tur clase di exito y pronto recuperacion.
- Na mesun momento, directiva a presenta un susesor pa miembro di directiva y despues di algun proceso interno pa busca un bon candidato. Despues di a ricibi algun nomber di algun miembro, directiva a acerca Lieshaira Quant, p’e bira e miembro di directiva nobo. Lieshaira ta un dama determina y pasiona pa sigui contribui na bienestar di e mundo di futbol, cu su amplio experiencia y experticio den directiva. Directiva ta hopi contento mes cu e miembro nobo aki y por ta sigur cu e directiva di LF ta uno hopi varia cu profesionalnan cu vision y pasion pa logra cos grandi pa henter e famia grandi di La Fama.
- Directiva ta pidi e miembronan pa duna nan aprobacion pa revisa y ahusta algun articulo den e statuto actual, pa asina e por ta mas alinea cu e vision di e directiva actual y di FIFA y AVB.
- Directiva a informa y pidi consenso na su miembronan riba un contrato di 30 aña cu FIFA, AVB y Minister di Deporte, pa asina yega na e desaroyo di Turf. Tambe directiva a haya aprobacion di e contrato cu AVB y DIP y asina directiva por sigui encamina e trayecto legalmente y transparente cu e implementacion di Turf.
Informacion general di directiva
Directiva a tuma e oportunidad pa presenta dos actor sumamente importante den e organogramo nobo di SV La Fama, esta Fida Rojano como e Team Manager di tur e liganan y Jaime Carrasquilla como e Head Coach/Coordinador di e coachnan di tur e liganan. E aspecto financiero ta di sumo importancia y a elabora riba esaki y ki plan tin pa recauda fondo, pa e gastonan mensual presenta. Tambe directiva a haci un apelacion pa haya mas boluntario, specialmente mirando cu sin e forsa aki, un directiva no por ta exitoso. Na final e miembronan tabatin e oportunidad pa haci pregunta, duna sugerencia y of comentario.
E reunion aki ta marca un paso sumamente importante pa e desaroyonan positivo y solido di SV La Fama. Directiva ta gradici tur e miembronan presente, pa nan interes y participacion.
