Expertonan ta afirma cu Miami ta e epicentro di coronavirus

555

Un grupo de experto medicos di area di Miami a uni cu e alcalde di e condado de Miami-Dade, Carlos Giménez, den un conferencia di prensa de Zoom dialuna mainta nan a laga claro cu Sur di Florida ta den un situacion di desesperacion na loke nan ta referi na e propagacion di COVID-19.
“Miami es ahora el epicentro del virus”, Doctor Lilian M. Abbo, specialista den enfermedad infeccioso a bisa, di e sistema di salud di e Universidad di Miami y como tambe hefe di prevencion di Infeccion di e sistema di salud di Jackson. “Lo que estábamos viendo en Wuhan [China] hace cinco meses, lo estamos viendo ahora aquí”.
E expertonan a papia algun minuut despues cu Florida a anununca 12.624 caso nobo di COVID-19, un dia despues cu e estado a establece un record den e pais cu 15.300 caso nobo.
E expertonan a enfatiza e necesidad di restringi entre otro reunionnan grandi di personanan indoor, y Gimenez a bisa cu lo mas importante cu mester haci ta cu e residentenan sigui e protocol di seguridad.
“La razón [del aumento] somos nosotros. No existe el hombre del saco. La razón somos nosotros”, el’a bisa. “Tenemos que cambiar nuestro comportamiento. El no. 1 es nuestro comportamiento.”