Dia 16 di oktober 1984 Fundacion Anti Droga Aruba a wordo funda cu e proposito pa brinda e comunidad informacion riba e topico di Adiccion. Cu aña F.A.D.A. a sa di expande cu mas topico riba e tereno di adiccion y mas reciente e topico di Salud Mental.
F.A.D.A tin un team dinamico cu ta traha ariba e tereno di prevencion y conscientisacion. F.A.D.A. ta traha a base di peticion y ta brinda servicio ariba tur nivel di enseñansa; basico, educacion avansa y educacion profesional. Tambe nos ta brinda servicio na otro instancianan, grupo, clubnan, hotel, seminario y exposicion social.
Ta duna presentacion ariba peticion di e grupo. E trabou por wordo haci den nos edificio mes y tambe nos personal por bishita bo establecimento. Nos ta reparti tur informacion, foyeto of locual bo tin mester riba e topico di adiccion y salud mental. Nos por yuda personanan den grupo of individual, tambe nos ta referi na otro instancianan si ta necesario. Nos tin diferente campaña durante aña pa conscientisa comunidad y tambe nos ta forma parti di diferente grupo cu tin como meta pa mehora comunidad. F.A.D.A ta purba yega na mas persona cu ta posibel via medianan social. Studiantenan semper ta bon bini na F.A.D.A. pa ricibi ayudo cu proyectonan escolar y un lugar pa stage.
F.A.D.A. kier gradici tur persona cu durante 41 aña a brinda sosten y confiansa den nos fundacion.
Pa mas informacion por tuma contacto cu F.A.D.A. na number di telefon 583-2999 of nos
whatsapp 564-4516. Por manda nos un email tambe na info@fada.aw.
Prevencion ta e yabi.
