Pasobra Dios a stima e mundo asina tanto, cu e a entrega su Yiu unigenito pa ken cu kere den dj’E no bay perdi ma tin bida eterna.( Juan 3:16).
Cristo Hesus a bisa bon cla pa tur hende comprende: Bin serca Mi tur cu ta cansa y carga y lo Mi duna boso sosiego, y esey ta conta pa tur hende.(Mateo 11:28).
Dios no tin hende faborito, ni pais faborito, tampoco color of rasa faborito, alcontrario Dios ta stima tur hende igual.
Dios no ta discrimina, pero ora hende laga nan mes wordo ganja door di diabel y cay den pica, nan ta sinti nan mes wordo discrima, pasobra nan no ta cana den e boluntad di Dios, y asina nan no ta agrada Dios.
Pesey e enemigo ta hinca den nan cabes cu otronan ta discrimina nan. Pero ta Spirito di Dios ta aresta y pone nan sinti nan mes malo te ora nan bini bek riba e caminda di Dios. Lesa bon kico tin para scirbi den Romanonan 1 :28 -32).
Wak bon e comportacion di un mucha rebelde, tur momento e tin algo di bisa di su mayornan, tur momento e tin critica cu su hendenan no stime, pero locual e no ta bisa ta; Cu e no kier scucha di su mayornan, e no kier para keto y aleha for di mal amistad, y pesey e enemigo ta hinca den su cabes cu su ruman ta mas gusta cune.
Faboritismo ta bon pa deporte, caminda hende por gusta diferente ekipo, pero ora ta trata di amor pa hende, tur hende ta keda hende, pasobra tur Dios a crea hende segun su imagen y semehansa.
Caminda tin distincion di hende eynan e Spirito di Dios no ta presente, Pasobra Dios ta stima nos tur igual. Dios no tin abstencion di persona.
Wak bon tur hende ta hala rosea, pasobra ta Dios ta duna tur hende rosea, aunke nan no ta cana den boluntad di Dios, Dios ta demostra su amor di mantene nan cu rosea.
Senjor ta serca di e hende di curason kibra, y ta salba esnan di spirito abati.( Salmo 34:18).
Senjor ta bisa lo siguiente: No tene miedo pasobra mi ta cu bo, no desmaya pasobra Mi ta cu bo. Lo mi fortalese bo si lo Mi yuda bo si, lo Mi sostene bo cu mi man drechi di husticia.(Isaias 41:10).
Pasobra Ami ta Senjor bo Dios, Kende ta sostene bo man drechi, Kende ta bisa bo, No tene miedo lo Mi yuda bo.( Isaias 41:13).
Den un cas di famia no tin yiu faborito, pasobra esey ta trece odio, division, pasobra lo tin pleito tur momento , pasobra desconfiansa ta reina.Ora mayornan tin yiu preferi nan no ta den e boluntad di Dios.
Pesey tin asina tanto problema cu politica riba mundo pasobra den politica tin faboritismo rond mundo, hasta den e paisnan caminda dictadura ta reina tin faboritismo, y esey ta plan di diabel, caminda hopi ta sufri y e resto ta rico cu tur comodidad, pero un cos ta sigur ora bo ta practica faboritismo bo no tin pas.
Mi rumannan , no laga boso fe den nos glorioso Senjor Hesus Cristo ta cu un actitud di distincion di persona. ( Santiago 2:1-4).
Scucha mi rumannan stima , Dios no a scohe e pobernan di e mundo aki pa nan ta rico den fe y pa ta herederonan di e reino,cu E a priminti na esnan cu ta stim’E? ( Santiago 2:8).
Laga nos tur stima otro, y pordona otro,manera Dios a pordona nos.
Sinceramente, Pastor Marcel Balootje
