Dialuna merdia den careda di 1’or polis a bay ariba e crusada di Eman cu Emmastraat pa un accidente cu hende herida.
Dos auto envolvi
Na yegada polis a topa cu un Nissan Tiida y un Toyota Yaris ambos cu bastante daño material. Den e accidente a ranco borchi di e caya completamente.
Chauffeur herida
E chauffeur di e Tiida cu ta esun cu no a duna preferencia a resulta cu un kap na cabes. Polis a pidi tanto trafico y tambe ambulance.
Na yegada di Ambulance Paramediconan a bisa e chauffeur e pa e keda sinta den auto, mientras nan a cuminsa dun’e asistencia necesario.
Polis di trafico tambe a presenta na e sitio pa tuma dato, mirando cu un di e partidonan no tawata tin su documentonan na ordo.
