Diaranson mainta, Famia Croes, doñonan di SOLO DI PUEBLO ( Edmond Croes) a informa cu nan a pidi nan abogado, Croes-Wever-Ruiz pa tuma over e caso encontra DVG.
Tabata siman pasa cu DVG a emiti un comunicado di prensa, cu tabata skirbi cu yen di mentira di cual nan ta promove un retorica cu Famia Croes lo a haya excepcion, lo a wordo faboreci of cu Famia Croes a haci yamadanan telefonico pa DVG of pa Ministernan pa asina pidi excepcion.
Tambe DVG ta alega cu “awe” (ayera), pues cu awor un funeraria a dicidi di no tene su mes na acuerdo.
Tambe DVG ta alega cu e entiero di Famia Croes lo ta e prome entiero unda famia por a tuma despedida.
Tur esakinan ta basa riba mentira flagrante y a pidi DVG pa corigi nan ponencia falso cu ta duna apoyo na e storianan falso.
Edmond Croes a splica nos reaccion, cu e sa bon bon ta ken a causa e drama aki, unda el’a referi cu e drama a sali for di un negoshi na Cumana, cu a bira loco, selectivamente contra Famia Croes, pasobra contra di tur e 10 entieronan cu a tuma lugar promer, e negoshi na Cumana no a habri nan boca.
Hecho ta cu e negoshi na Cumana no ta lagabo despedi di bo ser keri! Absurdo! Mientras cu e negoshi Olive Tree si ta ofrece e servicio ey y aki ta na unda cu DVG a comete su pifia, pasobra nan a actua selectivamente contra Famia Croes, siendo cu tur otro entiero na Olive Tree a bay habri.
E caso aki ta lo bay wordo esclareci y mester bisa cu Famia Croes tin DVG lomba contra muraya pa nan actonan robes cu nan a haci, bayendo tras di gritonan di un negoshi na Cumana.
E storia falso aki lo bay wordo kibra y rementa for di otro tardi of tempran y laga esaki ta un les pa ningun hende kere cu nan por actua selectivamente contra un famia, pasobra esaki ta nada otro cu abuso di poder.
