15 di Oktober ta dia internacional di e garoti blanco strepi cora. Pa recorda e dia aki, nos di FAVI kier informa e comunidad e nificacion di e garoti cu ta wordo uza dor di un persona cu tin limitacion di bista
E garoti ta un simbolo internacional cu desde aña 2006 a wordo reconoci. Esey kiermin un persona cu tin limitacion visual y ta uza un garoti tin e derecho di accesibilidad y prioridad.
Segun regla di trafico di Aruba, persona cu tin un discapacidad visual cu tin su garoti tin preferencia pa crusa pero e tin cu haci uzo di e manera corecto:
- Para y hisa e garoti den halto pa hala atencion di e automobilista. Ora e garoti ta na halto esey kiermin cu e kier crusa.
- Warda e auto stop y warda e señal di e automobilista cu un pito suave of stem ‘crusa numa’.
Un yamada ta bay na tur automobilista y trafico en general pa por fabor pa baha velocidad. Si bo ta core den un area unda hende ta cana cu un garoti, nan tambe ta forma parti di trafico. Regula e velocidad y respeta e reglanan di trafico.
Desde 10 oktober te cu 15 di october, FAVI lo tene diferente demostracion di cruse cu clientenan activo cu ta uza un garoti. Lo por mira nos den ditricto di Noord, Airport y Playa.
Danki pa copera cu FAVI y sea alerto ora bo mira nos.
