Favienne Thode a gradua cu un Bachelor na Facultad di Economia y Finansas na Universidad di Aruba na 2023. Favienne a traduci su tesis den un artículo academico hunto cu Clementia Eugene como co-autor di e articulo titula “E costo economico di servicionan social pa proteccion di mucha: Un calculacion agrega – E costo pa Aruba.” Favienne a presenta e artículo na conferencia Mundial di Trabou Social cu a tuma lugar na Panama for di 4 pa 7 di april 2024. E investigacion ta calcula e costonan financiero di intervencion pa proteccion di mucha na Aruba. Teniendo cuenta cu e resulatdonana di investigacion di Eugene, 2022, cual a revela cu abuso físico ta e tipo di maltrato mas prevalente na Aruba, e articulo a investiga un costo economico agrega di un solo caso di abuso físico usando “Cost Accounting Method of Normal Job Costing”.
E costo total a wordo calcula dor di conta e costonan relevante di e organisacionnan for di e unidad di analisis usando e factor di porcentahenan di carganan vital di trabou pa refina e costonan. E resultadonan a revela cu e costo calcula ta US$ 356.88 pa caso, mientras cu e costo anual ta US$ 1,705,999.31. Basa riba un prevalencia di 50.2% di maltrato infantil durante e aña, e costo teorico di intervenshon anual a wordo estima na US$ 4,050,770.47. E resultadonan tambe a revela cu e presupuesto actual di intervencion ta mas o menos mitar di loke e costo teorico mester ta. Pa lo tanto, ta haci recomendacionnan pa aumenta e presupuesto pa proteccion di mucha. Tambe ta recomenda pa e estudio wordo replica usando e metodonan di Costo Basa riba Actividad (Metodo ABC). E motibo pa esaki ta cu e Metodo ABC lo calcula e costonan pa cada actividad di intervencion/accion den e structuranan di Trabou Dividi (WBS) desaroya den e investigacion aki en bes di generalisa e gastonan manera e Metodo di Costo di Trabou Normal.
Favienne a haci su presentacion hunto cu otronan Skolarnan di Trabou Sosial, entre otro Keisha Tomlinson di Servicio di Proteccion di Mucha y Famia; Warren Thompson di Servicio di Proteccion di Mucha y Famia na Jamaica; y Jill Davey di Universidad di Edinburgh Napier. Universidad di Aruba ta orguyoso di Favienne pa tuma su tesis di FEF pa informa esnan cu ta traha den area social regional, global y educadornan di trabou social. Favienne a bisa dani a Edward Erasmus su coach.
