E Federacion Acuatico di Aruba (Aruba Aquatic Federation) ta anuncia cu orguyo su hunta directiva nobo, comprometi pa crea un ambiente inclusivo, transparente y basa riba integridad, caminda tanto e atletanan di elite como e participantenan recreativo por prospera. E federacion ta dedica na fomenta e excelencia den tur e disciplinanan acuatico mientras ta fortalece e relacion cu su miembro-, socionan y e comunidad.

E hunta a cuminsa cu su mandato cu exitoso organisacion di e prome competencia acuatico di e aña, e “Competencia Dia di Betico”, cu a tuma luga fin di siman pasa den Piscina Olimpico Roly Bisslik. A pesar di e awasero, e evento a resulta di ta un celebracion emocionante y memorabel di talento, determinacion y spirito comunitario.

E competencia aki, celebra na honor di Dia di Betico, a mustra e dedicacion di e atletanan acuatico di Aruba, kendenan a competi den prueba di landamento di velocidad. Tambe a sirbi como e ultimo oportunidad p’e atletanan clasifica p’e competencianan internacional venidero manera e weganan CARIFTA na Trinidad & Tobago y e Campeonato Panamericano Hubenil di Landamento na Medellin.

E atletanan a duna lo miho di nan mes, esforsando pa supera nan miho marcanan personal y sigura victoria den relevo pa nan clubnan. E energia tabata palpabel, cu tur e clubnan representa y mustrando nan miho esfuersonan, sin importa e awasero.

Esunnan cu a destaca den conteo di medaya

Aruba Dolphins a bay cu e prome luga cu un total di 101 medaya (39 oro, 34 plata y 28 brons)

Stingray Swimming Club a ocupa e di dos luga cu 73 medaya (37 oro, 19 plata y 17 brons).

Giants Aquatic Aruba a sigura e di tres luga cu 86 medaya (32 oro, 33 plata y 21 brons).

Sports4U a cera e conteo cu 22 medaya (2 oro, 9 plata y 9 brons).

Pabien na tur atleta, club y siguido pa haci cu e competencia aki ta un exito rotundo.

Un vision pa futuro

Bao di su liderazgo nobo, e Federacion Acuatico di Aruba ta enfoca pa fomenta e talento for di e nivel basico. Cuminsando cu programa di landamento n’e scolnan basico, ta alenta e hoben atletanan pa explora nan pasion den disciplina manera landamento artistico, landamento den awa habri y landamento di velocidad.

E federeacionta visualisa un comunidad acuatico traha riba e balornan di integridad, transparencia y inclusividad. Tambe, kier ta un ehempel di bon maneho door di adheri n’e standardnan di mas halto y fomenta e colaboracion cu e partinan interesa.

Gradicimento special

E Federacion Acuatico di Aruba ta extende su mas profundo gradicimento n’e boluntarionan, cual dedicacion y trabao duro ta haci e eventonan aki posibel. Sin nan sosten, nada di esaki lo tabata posibel.

Cu miras pa futuro

E directiva ta emociona pa sigui traha di cerca cu e clubnan, atletanan, mayornan y e comunidad acuatico en general pa garantisa un aña exitoso padilanti. Hunto  nos lo eleva e deportenan acuatico di Aruba na altura nobo.

Pa mas informacion riba e proximo evento y iniciativanan, por fabor sigui nos pagina riba Facebook of Instagram: arubaaquatics of bishita nos website: arubaaquatics.org.