Si nos mira rond di nos, nos ta wak hende pober, cu ta pasa hamber y cu ta sufri, niun hende ta yama nan dichoso y nan tampoco ta sinti esey, a cambio nos ta mira hende rico cu ta disfruta di tur comodidad y nos ta yama nan dichoso of nos ta cualifica nan como hende cu suerte. E Evangelio ta splica nos cu e personanan cu ta laga nan mes wordo alcansa door di Dios ta capaz pa descubri e rikesa di comparti, ta gosa di e alegria di entrega y ta experimenta e paz interno.Nos tur mester haci nos mes pober di ambicionnan superficial y sali di nos egoismo pa acerca e otro, hari cu esun cu ta hari y yora cu esun cu ta yora.Ta bon pa nos pone un proposito cu lo ta apoya e persona cu ta sufri y p’ asina experimenta e amor di Cristo Hesus.
Oracion: Señor Hesus danki pa semper Bo ta hunto cu nos, pa yuda nos yega cerca Bo Señor cu nos curason yena cu amor, paz y trankilidad p’asina nos por scucha Bo y haci bo boluntad. Papa Dios Abo cu a crea shelo y tera y Bo ta alimenta tur parha, mi ta pidi pa tur persona cu ta pasa hamber pa nan descubri e palabra, e forsa y e ayudo necesario. Amen.
