E mundo di musica ta den luto despues di e confirmacion oficial cu e cantante renombra Gales, Bonnie Tyler, a fayece dialuna anochi na edad di 75 aña den un hospital na Faro, Portugal, e pais caminda e tabata biba desde hopi aña.
Su famia y su ekipo di maneho a confirma e noticia tristo aki dialuna. Tyler tabata hospitalisa desde mei ultimo despues di a wordo someti na un cirugia di urgencia pa motibo di un perforacion intestinal. Pa via di e complicacionnan serio, e cuerpo medico a dicidi di pone den un coma artificial pa asina yuda su organonan recupera, pero lamentablemente su condicion a empeora den Unidad di Cuido Intensivo te ora cu el a fayece.
Conoci mundialmente pa su bos ronco, unico y potente, Bonnie Tyler a laga un legado musical imborabel. Entre su exitonan mas grandi cu a marca e decada di 80 y cu te awe ta resona publicamente, ta destaca canticanan inolvidabel manera “Total Eclipse of the Heart”, “Holding Out for a Hero” y “It’s a Heartache”.
