Amantenan di e deporte i pasa tempo mas gusta pa nos Rubianonan, esta Domino, ta cla pa pronto conoce su Campeon pa e aña 2021.
Aruba completo ta keda invita pa Diabierna awor, dia 12 di November 2021, pa e gran Final 2021, cu lo tuma lugar na Club Sportboys, cuminsando pa 8.00 di anochi.
E campeonato Nacional di Domino Balashi 2021, c uta yegando su climax, lo conta e aña aki cu e siguiente 2 teamnan cu a clasifica pa Final:
Noordstars Domino Team
Y Extreme Domino Team.
Simultaneamente lo tin e gran encuentro pa e di 3 y 4 lugar entre:
Eagles Domino Team
Goldstone Domino Team
E formato di e final aki lo ta Best out of Three, caminda e team cu gana 2 anochi, lo titula campeón!
E aña aki un vez mas Aruba Domino Bond ta conta cu contribushon di nos compañía cu mas tin nos deportenan local na pecho. Cu su productonan mas gusta i consumi durante i despues di wega, esta Balashi Tapa Cora i Dewars.
Aruba henter ta wordo invita pa asisti na e Gran Final pa asina apoya tur e teamnan di Domino organisa.
Aruba domino Bond tawarda bo na Sportboys Club pa e gran Final.
Bar i cushina na style di happy hour.
Amantenan di domino….Campeonato Nacional di Domino Balashi 2021 ta Culmina!
