E caso ta grandi y lo wordo trata na September, October, November y December
E agenda di e caso Avestruz ta conoci. Ex minister Benny Sevinger tin 5 caso penal den su contra cu e mester atende.
Huez cu a bin special for di Hulanda na Juni a aproba e agenda pa e caso cu ta grandisimo;
Caso ta cuminsa 5 September 11’or mainta:
E caso penal Avestruz ta cuminsa 5 September pa 11’or di mainta caminda lo bay evalua con leu ta cu e investigacionnan. Manera ta conoci, interogacion di testigonan ta tumando lugar keto bay, te fin di Augustus 2022.
Huez a reserva dia 6 September 2022, un dia extra, pendiente con dia 5 September bay.
Prome caso ta start 7 y 8 September;
Dianan 7 y 8 September 2022 lo cuminsa cu tratamento di e casonan penal contra e sospechosonan Sussebeek, Harms y Sevinger. E agenda cu Huez a traha ta cu tratamento di e caso lo cuminza 8.30 di mainta. Den oranan di merdia, e dos Fiscalnan lo duna e requisitorio riba e caso penal.
Dia 8 di September 2022 pa 8.30 di mainta, ta oportunidad pa e abogadonan mr. Kock y mr. Illes di Sussebeek y Sevinger, mr. Carlo di Harms hiba nan defensa. Despues e dos Fiscalnan tin chens di reacciona y despues ta e abogadonan ta reacciona.
Na October November y December corte ta keda trata e caso:
• E promer caso na September 2022 ta Stichting FCB. Den e caso aki tin 3 sospechoso.
• Despues lo sigui na October 2022 cu 6 sospechoso. E caso ey ta hiba e nomber Elenath y Deshaun.
• Na November 2022 tin e caso Damira cu 5 sospechoso y despues e caso Bucuti cu 2 sospechoso.
• Despues ta sigui cu caso di malversacion y labamento di placa contra Benny Sevinger.
Cinco caso contra Benny Sevinger:
Ta asina cu Benny Sevinger ta envolvi den tur e 4 casonan y ariba dje tin e caso cu Fiscal a anuncia cu a pidi pa kita casi 1 Miyon Florin di Benny Sevinger cu e no por duna cuenta y a haya bao mesa. En total ta 5 caso lo tin contra Benny Sevinger.
Huez a bisa cu na December 2022 lo trata circumstancianan personal di cada sospechoso. Na December 2022, e Fiscalnan lo exigi castigo y abogadonan lo hiba defensa.
Despues tur e sospechosonan tin e derecho di ultimo palabra. Esaki lo ta 14 December 2022.
E sentencia di e caso lo cay na Januari 2023.
