Scirbi pa Pastor Marcel Balootje.
ORA NOS TIN FE DEN DIOS, NOS MESTER KERE, PA NOS MIRA.
Si un hende ta bisa na bos halto cu e tin Fe den Dios y e no ta kere den Dios, su fe ta envano.
Si un hende ta bisa cu e tin Fe den Dios, y e no ta obedece Dios ta tempo perdi.
Si un hende ta bisa cu e tin Fe den Dios y e ta duda, un persona asina ey lo no ricibi nada pa motibo di su curazon dobbel.( Santiago 1:6-8).
Sin Fe ta imposibel agrada Dios, y mas cu claro si bo no ta kere den Dios bo no por agrada Dios, pasobra bo fe ta solamente palabra.
Den Juan 4:50-51 e palabra di Dios ta demostra na nos kico ta nifica kere den Cristo Hesus.
Un homber ta bin bisa Hesus pa bay su cas pasobra su yiu ta muriendo, e yui tin un keintura halto. Hesus ta contesta ta pasobra boso no ta mira señal y milager boso lo no kere. E homber ta bolbe pidi Hesus pa bay su cas hunto cune, pasobra su yiu ta muriendo.
Hesus ta contesta bay numa bo yiu ta bibo.
*****E homber a kere e palabra cu Hesus a papia cune y e a bay.
Mientras cu e tabata na caminda ainda, su esclavonan a bin contre y bise “Bo yiu ta bibo”.
Den Marco 5: 22 un oficial di Snoa cu yama Hairo ta bin tira su curpa abao y roga Hesus pa bay su cas cune pasobra su yiu ta muriendo y Hesus a bay cune.
Pero mientras Hesus tabata papia ainda cu otro persona , a bini hende for di e cas di Hairo bisando: Bo yiu muher a muri pakico molestaia e meastro.
*****Ma Hesus kende a tende locual a wordo papia a bisa Hairo, no tene miedo kere solamente.
Hairo a kere y aunke e a yega su cas haña hende ta yora morto, e a sigi kere, pasobra Hesus a bisa e mucha no ta morto, ta na soño e ta, y e hendenan a hari Hesus.
Hesus a bay den camber cu e mucha tabata hunto cu Hairo y su casa, Y Hesus a lanta e mucha, mesora e mucha a lanta y cuminsa cana.
*****Den Isaias 37 Rey Ezequias a kere den Dios pasobra e no tabatin suficiente solda pa bringa contra Senaquerib rey di Siria, kende a manda un carta pe y bise pa e entrega.
*****Rey Ezequias a cohe e carta y bay den tempel cune y a pidi Dios ayudo, y e a haci oracion y a kere den Dios, Y Dios a manda un angel destrui e ehercito di Siria completo. Ora e Angel Gabriel a bishita Maria y bise cu Spirito Santo lo baha riba dje y e lo sali na estado y lo tin un
yiu kende lo wordo yama yiu di e Haltisimo.
*****Maria a kere y a bisa :Ata e sirbidor di Señor : Laga sosode cumi bo segun bo palabranan.
Despues Maria a pasa bishita, Elisabeth. Y Elisabeth a bise :
*** Na unda mi merece cu mama di mi Señor ta bin serca mi.
Pasobra ora Maria a saluda Elisabeth e baby den barica di Elisabeth barica a salta di goso.(Lucas 1:39-45).
*****Y bendiciona ta esun cu ta kere cu locual Señor a bise lo wordo cumpli.
Esaki ta djis ehempel di hendenan cu a kere den Dios y a depende totalmente riba Dios, y manera semper Dios ta cumpli.
Laga esakinan y hopi mas cual ta para scirbi den Bijbel ta ehempel di Fe pa nos bida.
Sinceramente, Pastor Marcel Balootje.
