Scirbi pa Pastor Marcel Balootje.
DIOS SU PALABRA TA FIEL: ESNAN CU TA KERE DEN MENTIRA LO WORDO
DECEPCIONA.
Lipnan cu ta papia berdad,lo ta stableci pa semper, ma un lenga mentiroso ta pa un tempo so.
(Proverbionan 12:20)
Lipnan mentiroso ta un abominacion pa Señor, ma esnan cu ta trata cu fieldad ta Su delicia.(
Proverbionan 12;22).
Awor cu nos ta mira cu e sistema di mundo, ta cla pa aproba y kere den mentira, nos mester pone nos
pia riba suela, pa evita cu e enemigo lo gaña nos yuinan y nos nietonan, pasobra locual ta bini na
caminda, ta horibel y desastroso.
Ya nos ta mira caba e resultado di no kere den Dios y kere den mentira, cual ta blokia mente di hende
y ta hiba na depresion, amargura, decepcion y e ideanan suicida, cual nos ta mira con e ta avansa rond
mundo.
Tin cosnan cu nos ta mira cla cu no tin placa pa yega pa contra aresta, e presion di maldad cu ta
aumenta. Pesey Dios den Su inmenso amor a manda nos pa bay y hiba e palabra na henter mundo, na
tur hende, esun cu kere lo ta salba y esun cu no kere lo bay perdi.
Ta solamente Dios por dicidi ken lo ta salba y ken lo bay perdi, pero awor nos tur cu tin sano huicio y
cu ta kere den e berdad di Dios, ta mira e gran decepcion cu ta biniendo pa mundo, cual ta algo cu e
ser humano mes a busca door di kere den e mentira di diabel y rechasa e berdad di nos Señor Hesus
Cristo.
Pa satanas ta un gran victoria, ora e por gara lidernan, gobernantenan, reynan y emperadornan, den su
gara di mentira, pa asina e trata di gara un pais completo cu su mentira y abominacion.
Pesey awor nos oracion mester ta mas fuerte cu nunca pa para e plan y influencia di e enemigo.
Anto ora hende ta bao di e influencia ey nan ta acepta tur mentira y kier obliga otro hende pa nan
tambe kere. Pero Dios tin un castigo pa tur esnan cu ta ninga e berdad di Dios.( Romanonan 1;21-25).
Pero ainda falta, pasobra ya nos ta mira na nivel mundial kico decepcion por haci cu hende, y te ainda
tin hende ta chansa cu pica y ta haci bofon di Dios.
Dios a establece asina esun cu kere lo ta salba, y esun cu no kere lo ta condena, y ora hende permanece
den nan capricho, curason duro cu no kier pordona, nan ta yama furia di Dios riba nan bida.(
Romanonan 2:5-10).
Y tur pensamento contrario na e palabra di Dios ta trece decepcion.
2 Thesalonisensenan 2:11 ta para scirbi: Y pa e motibo aki Dios lo manda un influencia di error, pa
nan kere mentira, pa nan wordo husga, kendenan no a kere e berdad ma a hiba gusto den e maldad.Ora
hende no acepta e bondad di Dios, Su palabra y Su principio y keda practica maldad, inmoralidad y
abominacion nan lo ricibi decepcion..
Pero mescos cu un hende burachi ta pretende cu e por maneha un auto, asina tin hende cabesura, cu
mirando y scuchando, toch ta pretende di haci cherche y bofon y sigi biba den scuridad.
Pero e palabra di Dios nunca lo faya , y tur locual ta para scirbi lo cumpli, pasobra ningun hende lo
haci bofon di Dios.
Awor ya e tempo pa nos habri wowo hunto cu nos famia pa asina nos por reprende e spirito di mentira,
cu ta trece decepcion y kier destrui, Matrimonio, Famia, y Hubentud.
Sinceramente , Pastor Marcel Balootje.
