Durante e tratamiento di Presupuesto 2026 di Raad van Advies, Algemene Rekenkamer, Parlamento di Aruba y Ombudsman, un punto crucial cu a tuma prominencia tabata e rol esencial di e Hoge Colleges van Staat di Aruba, manera (RvA) y Algemene Rekenkamer Aruba (ARA). Fraccion di AVP ta pone enfasis riba e necesidad pa fortalece e institucionnan aki como guardiannan di transparencia y bon gobernacion.
Raad van Advies ta evalua loke gobierno ta propone den su presupuesto y opina si e medidanan propone ta realista, sostenibel y na interes general.
Di su banda, Algemene Rekenkamer ta tene un rol crucial den supervisa y evalua gasto di gobierno. E mecanismo ta controla e uzo eficiente di fondo publico y segun e meta estableci. Igualmente e democracia y trabounan cu mester continua den Parlamento.
Ombudsman tambe ta un entidad nobo y importante cu ta cuminsando su trabou pa Aruba. Deseando Ombudsman tur clase di exito pa cu e trabounan.
Teniendo tur esaki na cuenta, Fraccion AVP ta wak e importancia di aproba e sosten financiero cu ta haci posibel pa e instancianan aki continua cu nan labornan esencial cu ta brinda structura, control y conseho na Pais Aruba y su habitantenan.
