Pa evita cu por tin e pensamento eyfo,  cu ta pa motibo cu investigacionnan lo mester wordo para, ta sosodiendo ta locual ta sosode aworaki

Den Noticiero 95 di Top Fm, Parlamentaro Rocco Tjon a splica riba e trabaonan cu fraccion di MEP a bini ta haciendo.

Ley di screening pa Minster:

Tjon a bisa cu ta e fraccion di MEP a entrega e ley di iniciativa pa loke ta screening di minister y parlamentarionan cual por sierto awor aki ta den e fase final.  Tur pregunta a wordo contesta, rapport ta cla, conseho di RVA ta aden y tambe DWJZ a duna nan conseho riba e parti aki pues na augustus manera cu reces caba esaki ta un ley cu ta wordo trata. 

Ley di financiamento di partido politico:

Tambe e ley di financiamento di e partidonan politico, tambe ta un iniciativa di fraccion di MEP.  Den caso aki mi ta kere esaki ta hopi importante pa trece pa dilanti pa toch accentua cu e reunion di Diabierna no tin nada di haber cu corupcion.

Cartera di Infrastructura ta y lo keda bao di Sra. Evelyn:

Rocco a sigui bisa  cu whatever happens,  pasobra e reunion publico ta bay ta diabierna,  e minister ta haya chens pa trece tur su puntonan pa dilanti, diferente parlamentarionan tambe por trece nan puntonan dilanti, Ta hopi importante pa accentua un rato cu ya for aworaki caba e cartera ta bou minister president y atrobe whatever happens mi ta kere esey tambe ta e manera cu lo sigui den futuro.

Kiermen e cartera aki, si e minister Marisol Lopez Tromp wordo retira of wordo sosteni of e no a wordo sosteni,  e cartera aki, pa bo por papia di rust back den gobernacion lo keda bou di minister president pa asina tambe toch bo evita cu por tin e pensamento eyfo,  cu ta pa motibo cu investigacionnan lo mester wordo para, ta sosodiendo ta locual ta sosode aworaki,  cual no ta e caso absolutamente.

Unbes mas e crisis aworaki cu pais Aruba ta aden no ta solamente di covid pero tambe e crisis financiero door di covid, ta hopi importante pa aworaki tin trankilidad den gobierno pero tambe no por keda prolonga,  keda rek e,  nos tur sa cu dentro di poco tambe, dia 14 di augustus lo tin rijksministerraad atrobe,  entre otro lo trata e topiconan di Aruba cu sosten di likides ect. Rocco a sigui bisa cu e ta kere cu ta hopi importante pa aworaki por tin trankilidad anto pa parlamentonan,  manera e minister Marisol Lopez Tromp a hasi e peticion cu e kier pa parlamento dicidi y pa parlamento vocifera nan pensamento riba e topico aki. Rocco a bisa cu e ta contento cu a encamina full e proceso na un manera transparente.  Tabata tin un proceso di mediacion di partido POR mes, tabata un proceso di mediacion cu a wordo inicia door di e gabinete,  esaki a base di e acuerdo di gobernacion cu tabatatin, pues awo a yega ora pa parlamento comparti opinion den e caso aki cu señora Marisol Lopez Tromp,  a bira e momento, cu parlamento lo mester vocifera nan pensamento riba e caso aki.

LEAVE A REPLY

Please enter your comment!
Please enter your name here