Dialuna ultimo, Fraccion di MEP tabata presente na celebracion di Dia di Bandera di Haiti na Biblioteca Nacional.
E celebracion di baile, musica, discurso y exposicion di arte a conta cu presencia di Parlamentarionan di MEP Evelyn Wever-Croes, Hendrik Tevreden y Rocco Tjon.
“Mi ta gradici Consul General di Haiti sr. François Jérôme Michel pa e invitacion. Den nomber di partido MEP mi ta felicita e comunidad Haitiano na Aruba y henter mundo cu nan dia nacional. Haiti ta pasando momentonan hopi dificil cu disturbionan interno y nos ta sigui tene Haiti den pensamento y oracion pa bin un resolucion pronto pa stabilisa e pais.
Mi ta gradici tur esnan cu a laga nan hogar y famia pa bin yuda nos desaroya nos economia. Cu Dios bendiciona boso y un biaha mas pabien!”, tabata deseo di Lider di MEP Evelyn Wever-Croes
