E di dos wega di semi final a tuma lugar entre actual campeonnan mundial Francia y ekipo sorpresa di mundial 2022 Morocco.
Pa prome biaha den historia di mundial cu un seleccion di continente Africano ta clasifica pa semi final.
Francia manera un ekipo campeon ta haci a subi tereno y a anota gol den apenas 5 minuut pa medio di Theo Hernandez, mester bisa cu Morocco a keda pone presion pa empata e wega pero tabata parce cu nada lo a drenta den gol di Francia den e wega aki.
Den di dos mitar Kolo Muani ta sentencia e wega cu score di 2-0 pa asina Francia pasa pa e gran final di Copa Mundial Qatar 2022 contra di Argentina, mientras cu diasabra Croatia lo enfrenta Morocco pa di tres lugar.
Historia por ser iguala den e gran final aki, si Argentina titula campeon e lo iguala Spaña como e dos ekiponan cu a inicia copa mundial cu un derrota y titula campeon, di parti di Francia, si e titula campeon e ta iguala Italia cu na aña 1934 y 1938 a titula campeon tras di ptro y tambe Brazil cu a titula campeon na 1958 y 1962 tras di otro.
Ultimo campeon di comtinente larino ameicano tabata Brazil na aña 2022, tin un dominio di Europa, kico lo pasa Diadomingo? Keda pendiente.
