Profesor Francio Guadeloupe, profesor special di Antropologia Publico di Relacionnan den Reino, lo duna su charla inaugural na Universidad di Amsterdam riba diahuebs, 12 di maart 2026. E lo duna e charla aki pa acepta e Catedra cu e mesun nomber, financia pa Ministerio di Asuntonan Interno y Relacionnan den Reino (BZK). Guadeloupe, naci na Aruba, ta traha pa e Instituto Real Hulandes pa Estudionan di Asia Sur-Oeste y Caribe (KITLV) y Universidad di Amsterdam. Su investigacion ta enfoca riba con hende den diferente parti di Reino ta forma nan bida, hopi biaha moviendo di un luga pa otro, y kico esaki ta nifica pa nan identidad.
Investigacion
Durante su charla inaugural, titula “Reweaving Dutch Caribbean Studies” (Tehe di nobo estudionan Caribe Hulandes), Guadeloupe ta profundisa den e diferente componentenan di su investigacion. E ta introduci hende cu e a papia cu ne y ta puntra nan over di nan identidad. Por ehempel, un señora Hulandes Europeo cu e a topa den avion di Amsterdam pa Boneiro. Of un señora Arubiano cu a remigra pa Aruba y awor ta traha den sector di turismo, caminda e ta drenta den contacto cu trahadonan Venezolano. E ta critico riba con ta mira y trata e trahadonan Latinoamericano aki, y riba e industria di turismo cu ta consumi tur cos y su impacto riba e diferente islanan.
Desigualdad
Como antropologo, Guadeloupe ta enfoca riba cuater area di investigacion, tur relaciona cu con hende ta biba hunto, conecta cu otro, y cu e diferente continentenan. Manera un mashin di tehe for di cual tela nobo ta sali constantemente: “Desmantela y tehe di nobo e Reino ta un contribucion pa reforma nos sociedad cu ta demasiado desigual.” Asina e ta conclui su charla inaugural. Durante e proximo cuater añanan, su investigacion lo enfoca riba esaki y lo wordo realisa tanto for di Hulanda como for di e islanan den Caribe.
Film
Como parti di e Katedra, Guadeloupe a produci recientemente un film antropologico titula “Changa” (“Double Game”), cu a bay den estreno januari ultimo na Aruba y Corsou. E film ta hiba e oyente hunto cu un ritmo di e filosofia di domino: con hende ta reacciona riba loke bida ta duna nan? Aki tambe, e tema di identidad ta prominente. “Pa medio di Changa, nos ta discuti e sentido di pertenencia di ciudadanonan Caribe Hulandes na Hulanda, esta te na ki punto Hulanda ta (tambe) nan cas,” Guadeloupe ta bisa.
Katedra
E katedra den “Antropologia Publico di Relacionnan den Reino” a wordo estableci na 2024 pa Ministerio di Asuntonan Interno y Relacionnan den Reino. E ta un colaboracion entre Academia Real Hulandes di Artes y Ciencianan (KNAW), e Instituto Real Hulandes pa Estudionan di Asia Sur-Oeste y Caribe (KITLV), y Universidad di Amsterdam (UvA). Cu su charla inaugural riba 12 di maart, Guadeloupe lo acepta formalmente su posicion como profesor special recien nomina. Manera ta custumber, e charla inaugural lo wordo atendi pa otro profesornan, tur bisti den nan toga.
Comision di Supervision
E comision di supervision pa e katedra, tambe conoci como Curatorium, ta consisti di e presidente Marja Spierenburg, profesor di antropologia di desaroyo sostenibel y medionan di bida na Universidad di Leiden; Gert Oostindie, profesor emeritus di historia colonial y postcolonial na Universidad di Leiden; Tom Louwerse, profesor asocia di ciencia politico y director di investigacion di e Instituto di Ciencia Politico na Universidad di Leiden; y Rene Bagchus, director di Relacionnan den Reino na Ministerio di Asuntonan Interno y Relacionnan den Reino, como miembro asesor.
Desaroyo di Conocemento
Barbera Wolfensberger, Director-General di Relacionnan den Reino na Ministerio di Asuntonan Interno y Relacionnan den Reino, ta enfatisa e importancia di e katedra. “E katedra cu Francio Guadeloupe ta ocupa ta crucial pa desaroyo di conocemento den y tocante Reino. Pasobra mas nos sa di otro, miho nos ta compronde otro. Ta e conexion aki, incluyendo cu e diaspora, ta haci nos Reino fuerte. Mi ta spera cu hopi entusiasmo e resultadonan di e investigacion di Francio.”
