Dia 10 di December 2024 fundacion Fuchs Family Charity Foundation a cumpli cu su meta y a duna un grupo di organisacion riba nos isla un donacion pa un suma total dl AWG 47.360.00. Esaki tabata pa di 33 biaha cu Fuchs Family Charity Fundation a duna donacionnan na organisacionnan charitativo riba nos isla.
Asina cumpliendo cu e deseo di sr. Adolf Fuchs en feliz memoria.
Pa hopi organisacion e hecho cu Fuchs Foundation por duna un yudansa financiero ta worde aprecia. Di e forma aki tambe Fuchs Foundation ta gradici e organisacionnan en kwestion pa e trabow boluntario hopi valioso cu nan ta haci den nos comunidad y pa duna sosten na e organisacionnan aki pa nan sigui cu e bon trabow cu ta nan meta.
Directiva diario di Fuchs Family Charity Foundation ta consisti di:
sr. Edwin Tromp, presidente, sr. Ramphis Tromp tesorero, sra.Yvonne Spellen secretaria. Otro miembronan di directiva ta: sra Glenda Gil, sra Jeanine Croes, sr. Michael Gottfried y sr. Bryan Nemecek.
Pa anja 2024 e siguiente 20 organisacionnan a risibi un donacion:
Assistencia Social Cristo Rey, Assistencia Social Dakota, Assistencia Social Oranjestad, Assistencia Social Sta. Theresita di Niño Hesus, Ayudo Parokial St. Cruz, Israelitische Gemeenschap Beth Israel, Meals on Wheels di The Methodist Church, Stichting Hospice Atardi, Stichting Cas Marie, Fundacion Funari, Fundacion Pasadia Infantil Te Aworo, Fundacion Respeta Mi, Stichting Sociaal Fonds Colegio Arubano, Stichting Sociaal Fonds Colegio Nigel Mathew, Fundacion Sonrisa , Fundacion Trabow Social Aruba, Fundacion Pro Juventud Savannah, Fundacion Club Don Bosco Noord, Arubaanse Stichting voor de Reclassering en Jeugdbescherming, Good Samaritan Christian Center
Fuchs Family Charity Foundation ta masha contento di por a yuda tur e organisacionnan menciona, gradiciendo nan pa nan merito y labornan cu nan tur ta duna boluntariamente na bienestar di otronan den nos comunidad.
Alabes a desea nan cada uno un Feliz Pascu 2024 y un Prospero Aña Nobo 2025.
