Fundacion Bubali Sport Complex y S.V. Bubali ta informa lo siguiente. Pa un paar di tempo caba ta reina un vibracion y un insistencia ja hopi promer cu pandemia caba, cu kier a yega na un veld grandi di TURF na tereno di Bubali. Pero despues di 2020 mester a adapta hopi situacion. Hopi pasenshi y sigui kere, E tempo ey nos mester a dicidi kiko nos ta bai haci: sigui of para completo.
Nos a dicidi e tempo ey cu nos ta bai sigui den fase. E Promer fase tawata na 2022 cu nos a haci e Projecto di LED LIGHTS cu tambe tawata tin su retonan pero nos ta practicamente cla solamente falta pa stel e LED LIGHTS nan riba e veld di TURF nobo awor. Nos tur sa cu e binimento di e Projecto di FIFA veld di TURF, FIFA tawata tin su exigencianan pa cu S.V. Bubali. Pa por cuminsa sera e tereno di Sport Vereniging Bubali, pa cuida e propiedad, sera e tereno y converti e veld den un Stadion.
Proseco a tarda door nos tereno ta den Huurgrond y nos a hasi peticion pa mas tereno condena, cu na final nos a logra haya mas tereno pa Sport Doeleiden en derde. Despues a bai over pa habri mondi pa nos haya nos penchinan di tereno. Pa un paar di luna atras caba Fundacion y S.V. Bubali tawata tin combersacionnan andando cu FEPA = Fundacion Enseñansa Pa Aruba. FEPA ta un Fundacion cu a wordo lanta na 2007 cu e meta pa promove enseñansa na Aruba, muy especial nos enseñansa pa adulto / Drop -Outs. Oficialmente FEPA ta reconoci door di Land Aruba desde 2019. Cual porcierto Sr. Randolf Vrolijk (dfm) Voorzitter di FEPA tawata hopi motiva pa e bunita projecto aki cu tin di haber cu deporte y estudio vooral pa drop-outs por sinja un ofishi y tambe persona nan den bario. Nos kier a cuminsa na gradici Gobernador di Aruba, Ex Promer Minister President Evelin Wever Croes cu a zorg pa pasa un ley pa e club por bin na remarke pa 30 anja e tereno ta den Huurgrond pa e organisacion. Un otro condicion nan di FIFA y cu por sigui bai otro 30 anja mas, pa por juda e 7 veld nan yega na remarke na e Projecto di FIFA Nos kier gradici Ex-Minister Otmar Oduber cu a zorg pa por a habri e caminda pa e organisacion di Bubali tin bon contacto nan cu e parti infrastructura di Gobiermo, Ex Minister Dangui Oduber y Ex Minister Endy Croes pa e Projecto di LED LIGHTS, Awor Minister di Sports Gerlien Croes pa e Projecto di Omheining/ FIFA Soccer Fields TURF. Nos kier a gradici Gobierno di Aruba cu ta wak e Projecto aki como un continuacion paso na final ta pa nos mes por hasi uso di e facilidadnan deportivo y social. Tambe nos kier a gradici ATCO / APEX cu semper ta para fuerte banda di nos. Nos main Sponsor SUPER FOOD cu semper a kere den nos for di comienso cu e la duna nos un opdracht pa bai hasi, esey a pone nos, caminda nos ta awe. Nos ta gradici Sr. Ing. Hendrick Croes HJC pa cu e Projecto di LED LIGHTS cu semper a duna nos bon conseho pa cu e Masterplan. Nos ta Gradici Sr. Ing. Lionel Mercalina pa e Projecto di Omheining y tur otro consehonan. Pa nos logra e cura rond di tereno di Bubali tin su gastonan. E ta bira un Projecto di Omheining cu tin basta na strekende meter y cu ta wordo realisa den fase.
Nos ta haci un yamada na e bario di Bubali y Districto di Noord, Fiel Fanaticonan, Ex hungadornan, Hungadornan y Mayornan cu nos ta bai tin mester persona pa juda voluntariamente pega bloki asina nos por logra e Projecto di Omheining den fase. Nos ta practicamente cla pa start cu e Projecto di Omheining. Nos sa cu e ta un Projecto grandi y ta bai tuma su tempo pa e cana su caminda den fase. Nos ta haci un yamada na tur e Comerciante nan di Noord y Aruba general pa ban juda pa un bon cuasa y asina yuda sera e cura di Sport Vereniging Bubali cu dentro di poco lo ranca sali y asina juda cuida e Projecto di FIFA. Asina poco poco converti e veld di S.V. Bubali den un Stadion. Nos kier bisa un danki di Curazon na Lotto pa Deporte Sr. Director Figaroan cu a yuda financieramente pa por start e promer fase di Projecto Omheining.
Manera nos tur sa tur Projecto rondo di e veld di TURF, Fundacion Bubali Sport Complex ta dirigi, coordina y mantene e Projectonan cu tin di haber riba tereno di Bubali. Por ultimo nos kier a gradici tur e departamentonan di Gobierno DOW, DIP, DLV, Voluntarionan, Compania cu a juda y cu hopi pasenshi tambe esnancu ta bai juda awor Gobierno, AVB, FIFA, Tur otro persona cu a juda nos Danki di curazon. Pa esnan cu ta bai yuda nos tambe hopi danki di curazon Promer fase ta bai bira ongeveer un 140 stekende meter cual ta basta largo pa un non-profit organizion. Pesey netamente nos mester di hopi yudansa pa nos logra cuminsa y termina e promer fase di cura.
BUBALI SEMPER TAWATA TEY PABO, AWOR BUBALI MESTER DIBO. BUBALI YEGA.
