ORANJESTAD – Sr. Jonel Duperrier Esperance di Fundacion di Haiti na Aruba a reuni cu formador Sra. Evelyn Wever Croes. Como fundacion nan ta gradici formador pa a scuchanan.
Riba algun problema, Sr. Sperans a menciona cu Haitianonan ta pasa hopi problema pa haya permiso y pa asina tin un status legal.
Ta pidi Gobierno pa sigui atende riba e problematica aki, pasobra Haitianonan ta gasta hopi placa, pa asina por yega na nan permiso, unda ta referi tambe kisas na e gastonan di tramitacion di permiso. Sinembargo, tur Haitiano na Aruba semper ta pidi permiso, pasobra ningun kier tin status ilegal na Aruba. Nan kier cumpli, pero e proceso na Aruba ta largo, dificil y costoso.
Sinembargo Sr. Esperance ta contento cu Gobierno di Aruba y lo sigui haci oracion pa Gobierno.
Tambe el’a menciona cu te cu awor tin 1400 morto, pero esaki ta pasa na otro cuidad. “Esun cu no a muri, mester biba”, ta muestra di e reto cu tin na Haiti.
