ORANJESTAD – Fundacion di subsidio a bishita formador diaranson. Na salida nan a informa cu nan no tin placa of no suficiente placa, pa causa cu Lotto no ta pagando e fundacion.
Consequentemente e fundacion no por cumpli cu su debernan pa subsidia federacionnan di deporte.
E fundacion a confirma loke SOLO a trece dos siman pasa, cu Lotto su situacion financiero ta den crisis.
Esaki ta debi cu desde 2011, bestuur di Lotto a bay over na hasi debe grandi.
Peor ta cu nan a bende operacion di Lotto cu Banco Canades, contra tur regla, violando reglanan di bestuur, unda nan a elimina nan trabao di control, y a keda lam lam, pasobra nan no tin nada mas di controla. Nan a pasa nan responsabilidad pa Canada y Lotto a keda sin bestuur funccionabel. E unico cos cu nan ta hasi ta cobra!
Despues nan a bolbe fia mas placa, como 20 miyon florin.
Banco Canades ta haya 11 miyon di ganashi pa aña, y deporte no por haya su placa.
Ta yega ora pa Ministerio Publico cuminza habri wowo pa cu Lotto, pasobra e situacion aki ta totalmente robes!
