Specialmente pa su miembronan e fundacion “E Poder den Mi” bou direccion di Geraldine Laclé a tene un anochi di recaudamento di fondo na cas di Ruben Croes na Sero Pita. Actualmente Desiree Croes ta ocupa cu e filmacion di E Bruha, Bruha 2 y special pa esaki a tene e anochi aki.
Despues cu 3 luna pasa, mas cu 1400 persona a mira e pelicula E Bruha, Bruhá den cinemanan local, un biaha mas a present’e na e miembronan. E storia ta di tres hende muhe Arubano cu ta lucha contra e desaroyo di turismo riba nos naturalesa den nos Parke nacional.
Bou di e cielo yena cu strea e fundacion a presenta e pelicula di Desiree Croes di 2025 y e publico por a disfruta di un anochi bunita den naturalesa compaña pa nan popcorn y cos di bebe.
Tanto Ruben Croes, Geraldine Laclé di fundacion “E Poder den Mi”, Desiree Croes como Addonsito Croes a hiba palabra gradiciendo tur presente pa nan apoyo incondicional na e causa bunita aki.
Pa esnan cu no a mira e pelicula, Berea Productions ta planea pa pas’e atrobe prome cu e bay na e competencia di Krioyo Film Festival 2025 na Corsou y Amsterdam.
