1 di augustus 2026. Fundacion Educar pa Transformar (FET) a celebra cu hopi orguyo su ceremonia di graduacion, unda 30 alumno a ricibi nan diploma despues di a completa cu exito nan capacitacion den e areanan di Facial, Masaje y Emprendemento (den colaboracion cu HP Foundation). E ceremonia a reuni graduadonan, famia, docente y invitado(nan) special pa celebra e esfuerzo y dedicacion di cada participante.
Durante e ceremonia, e graduadonan a ricibi nan diploma despues di cumpli exitosamente cu e programa di formacion, unda nan a haya conocemento teorico y practico pa desaroya nan habilidadnan tecnico y fortalece nan preparacion pa cuminsa of amplia nan propio negoshi.
Cu e grupo nobo aki di graduado, Fundacion Educar pa Transformar ta reafirma su compromiso pa sigui brinda educacion di calidad y oportunidadnan di crecimiento na personanan cu kier desaroya nan talento, fortalece nan capacidadnan y traha un mihor futuro pa nan mes y nan comunidad.
“Cada diploma cu nos ta entrega ta representa hopi mas cu finalisacion di un curso. E ta representa perseverancia, crecemento personal y e decision pa inverti den bo mes. Na Fundacion Educar pa Transformar nos ta kere cu educacion ta un instrumento poderoso pa cambia bida y crea oportunidadnan pa tur hende.” segun un miembro di directiva di e Fundacion.
Fundacion Educar pa Transformar kier expresa su gratitud na tur docente, colaboradornan, aliado estrategico y familiar cu a contribui na exito di e trayecto di formacion. Tambe nos ta felicita e 30 graduado nobo y desea nan hopi exito den e siguiente paso di nan carrera, poniendo e conocementonan cu nan a adquiri na practica y contribuyendo na desarrollo di Aruba.
