Pa un aña caba, e fundacion ta traha incansabelmente cu e obhetivo di brinda oportunidadnan educativo na personanan interesa den desaroya abilidadnan nobo y crea un futuro independiente pa medio di emprendimento. Den e area di formacion ta trata di por ehempel facial, masahe, mercadeo y otro capacidadnan orienta den e crecemento personal y profesional.
Actualmente e fundacion tin mas o menos 50 studiante den diferente nivel y area.
Diasabra cu a pasa, 6 di Juni, un grupo di 7 studiante a presenta exitosamente nan examen practico como parti di nan formacion den servicionan facial. Durante e evaluacion, profesionalnan den e area a observa cu hopi atenshon diferente aspectonan importante pa garantisa un servicio di calidad y profesionalismo. Entre otro e criteria cu a evalua tabata ensera e maneho corecto di materialnan, postura di e studiante durante e servicio, presentacion personal incluyendo uniform, cabey y huña, tambe e tecnica di aplica productonan y e conocemento di e productonan cu ta wordo usa durante e tratamento.
Fundacion Educar para Transformar kier a felicita cada un di e studiantenan pa nan dedicacion, esfuerso y excelente rendimento durante e etapa importante aki den nan preparacion profesional.
Tambe nos kier expresa nos mas sincero agradecimento na cada persona cu a haci posibel e exito di e grupo aki.
Danki na e ekipo di e Fundacion Educar para Transformar pa su compromiso, danki na cada participante pa confia den e proceso educativo y danki special na e modelonan di cada studiante pa nan apoyo y colaboracion.
Nos ta sigui comprometi cu nos mision di transforma bidanan pa medio di e educacion, creando oportunidadnan y motivando mas personanan pa construi nan mesun caminda enfoca den exito.
