Recientemente durante e ultimo Aruba Lions Club su club meeting di dia 26 di augustus e guest speaker tawata sr. Gabriel Marchena representando e Fundacion Pa Nos Comunidad (FPNC) E fundacion cu ta un “non-profit organization”, ta e banco di cuminda official di Aruba cu ta traha cu mas di 40 diferente organisacion social. FPNC tambe a ricibi un donacion for Aruba Lions Club pa nan trabao di yudansa na famianan den necesidad cu un pakete di cuminda. Esaki ta den cuadro di un di e Global causes di LCI cu ta Humanitarian cause. Di e forma aki Aruba Lions Club tambe ta contribui un poco pa yuda mas o menos 350 famia haña nan pakete di cuminda semanalmente. Despues di e presentacion di sr. Marchena e president actual Lion Gerardo Figaroa a gradicie pa su presentacion hopi al caso y a felicita FPNC pa nan gran trabao.
Pa e siguiente club meeting dia 23 di september e guest speaker lo ta un representante di YMCA cu lo duna un presentacion na miembronan di e club.
Aruba Lions Club ta un club di servicio cu pa casi 80 aña caba ta trahando pa e comunidad di Aruba y ta bao di auspicio di Lions Club Internacional cu ta consisti di mas cu 46 mil club den mas di 200 pais y ta conta cu mas di 1.4 miyon miembro rond mundo y a cumpli 109 aña di existencia cu ta hacie e organisacion di servicio mas bieuw y mas grandi mundialmente.
Por ultimo Aruba Lions Club ta compromete su mes pa sigui traha hunto cu su partnernan pa yuda mehora e calidad di bida di e pueblo pa medio di su diferente programa di servicio manera esun di Hospital Bed y Wheel Chair, Smile Mobile, Feria di Salud, Back to School Food Bags.
Ta pidi pa pueblo keda pendiente pa Aruba Lions Club su siguiente actividad. “WE SERVE” Na nomber di Aruba Lions Club nos ta gradici e cooperacion pa e publicacion.
“We Serve”
