E tema di e aña aki ta enfoca ariba alternativanan na abuso di mucha. Como parti di esaki Fundacion Respeta Mi a lansa un spot adecutativo cu e meta pa educa ariba con tin muchanan cu ta experiencia abuso pa motibo cu no a yega na expectativanan di nan mayornan of cuidadornan. Pesey e spot aki ta demonstra con abuso ta pasa y con nos por hasi mihor, dus tin alternativa y ta keda na nos pa scoge.
Laga nos ta consiente di nos palabranan y nos actitud pa cu nos muchanan, nos tur tin diferente retonan den bida y pa un mucha scol tambe por ta uno. Nos como adulto por scoge pa uza palabranan cu ta encurasha nos muchanan pa sigui hasi nan best.
Fundacion Respeta Mi ta duna pabien na tur e muchanan cu a bay over y esnan cu no a logra e aña aki nos ta encurasha pa sigui hasi boso best hunto cu boso mayornan pa e siguinte aña escolar.
Pa cualkier informacion con pa preveni abuso di mucha, por comunica cu nos!
