WILLEMSTAD— (foto ta di corant Extra)
Na Curacao a sosode un caso di tiramento unda un hoben futbolista a keda asesina pafo di e veld di bala cu ta keda parti patras di Sentro Deportivo Korsou.
Ta trata di e hoben di inisial S.R hungado di Hubentut Fortuna. E caso aki a tuma lugar durante wega di futbol segundo divicion na SDK.
Segun informacionnan obteni, desconocirnan, presunto sikario, a cuminza los bala cu arma automatico riba e hoben parti pafor di e veld.
Riba un video cu a circula riba ret sosial por tende basta bala cay mientras e hoben futbolista a core pa su bida y a drenta cura di veld y sak den otro.
El a risibí varios bala na diferente parti di su kurpa prinsipalmente na e parti ariba na altura di su pecho y kurason.
Ambulans a presenta na e sitio y a transporta e hoben cu urgensia pa departamentu di emergensia di CMC pa tratamentu médiko avansá. Sinembargo algun rato despues a drenta e informashon ku e futbolista a fayece.
E caso ta uno cu a shok e deporte di futbol y tambe henter pueblo di Curacao.
Ta ser papia cu ta asunto di gang. Investigacion lo mester determina ta kende ta esnan tras di e asesinato cruel aki.
