Oranjestad, 8 augustus – Gamma IT Solutions ta orguyosamente anuncia e lansamento oficial di e aplicacion mobil di RADEX BCMS, un avanse revolucionario pa e sistema di control di frontera. E aplicacion inovador aki ta duna e oficialnan di inmigracion, departamentonan di polis y otro instancianan gubernamental, acceso na RADEX BCMS sin ningun problema mientras nan ta moviendo.Esaki ta marca un era nobo di eficiencia y seguridad den operacionan di control di frontera.
RADEX BCMS, actualmente uza den diferente pais di Caribe, ta conta cu e software y e aparatonan di mas moderno pa e captura y buskeda multi-biometrico avansa. Cu e introduccion di e aplicacion mobil, RADEX BCMS ta brinda e usuarionan comodidad y flexibilidad sin igual.
E aplicacion mobil ta diseña cu siguridad mane su base, cual ta garantisa un experiencia eficiente riba cualkier aparato mobil. Haciendo uzo di medidanan di siguridad mas moderno y avansa, e aplicacion ta permiti e usuarionan pa haci scan di pasaporte rapidamente y brindando informacion vital na e oficialnan den tempo real.
Algun di e datonan cu por wordo verifica via e aplicacion mobil ta:
- Validez di paspoort: Verificacion instantaneo di validez di paspoort.
- Identificacion biometrico: Confirma e identidad di e tenedo di e paspoort.
- Listanan internacional y nacional di personanan busca: Check instantaneo si e persona ta den un lista di personanan busca.
- Status di inmigracion: Determina e presencia di e individuo den e pais.
- Supervision di estadia: Identificacion di personanan cu ta keda mas tempo cu loke ta permiti.
- Historia di biahe: Acceso na e historia di biahe di e individuo.
E aplicacion mobil ta particularmente beneficioso pa paisnan cu tin varios punto di entrada, incluyendo aeropuertonan, puertonan y aeropuertonan priva, ofreciendo un solucion completo pa mehora eficiencia di control di frontera.
RADEX BCMS ta un herment esencial pa gobiernonan cu ta buskando pa fortifica siguridad di nan frontera mientras ta optimalisa e experiencia di biahe pa e bishitantenan di e pais.
Specialmente, e variedad di modulonan den e sistema ta facilita e intercambio di informacion entre entidad di control di frontera y autoridadnan di turismo, di e manera aki aportando tambe na e sector turistico di e pais.
RADEX BCMS ta conta cu:
- Modulo di turismo: Ta brinda data y acceso na autoridad di turismo pa por uza den planeacion di polisa y mercadeo di e pais.
- Integracion cu plataformanan di inmigracion: Conexion eficiente cu plataformanan di ‘Online ED Card’ y carchinan di turismo.
- Procesamento rapido: Sigurando cu tur biahero ta wordo procesa den un tempo di 10 seconde pa biahero.
- Integracion completo cu lista di personanan busca: Integracion amplio cu lista di personanan busca local y internacional.
- Variedad extenso di modulo di reporte: Ofreciendo capacidad extensivo pa reporta.
Gamma IT Solutions ta keda fiel na su compromiso pa entrega solucionan innovativo pa un sistema di control di frontera sigur. Esaki ta keda un aspecto vital pa paisnan de Caribe cu ta ricibi un cantidad substancial di bishitante.
Pa mas informacion tocante RADEX BCMS por bishita www.radexbcms.com of email na info@radexbcms.com.
Tocante Gamma IT Solutions:
Gamma IT Solutions ta un compania pionero den tecnologia y specialisa den solucionan pa control y siguridad di frontera. Cu un enfoke riba innovacion y eficiencia, e compania ta keda enfoka pa sigi brinda gobiernonan e herment pa sigi mehora e experiencia di e biaheronan cu ta bishita nan for di rond mundo.
