Tin hopi rumor, critica of ponencia cu ta wordo treci dilanti, indicando cu Gobierno no ta baha su gasto. SOLO DI PUEBLO a haci un fact-check riba e ponencia aki, y nos a yega na e conclucion cu Gobierno a reduci su gastonan drasticamente.

Recorte di salario di parlamentario y minisfer cu 25%:

Desde cu pandemia a drenta na Maart 2020, salario di Minister y parlamentarionan a wordo corta cu 25%. Esaki ta 1/4 menos. Ta goberna cu 8 minister, pagando 6 salario. 21 parlamentario tambe ta cobrando 1/4 menos di salario.

A uni Gevolmachtigde Minister cu Representante na Europa

Otro gasto cu a wordo corta ta ora cu a pone e representante di Union Europeo den man di e gevolmachtigde minister, scapando asina full un salario.

Gasto di personal ta keda baha

Otro gasto halto ta gasto di personal. Aki gobierno ta cumpliendo cu acuerdo unda tur aña e gasto di salario ta keda baha. A bini cu VUT pa asina mas persona por sali for di e aparato y NO ta nombra hende nobo, cu excepcion di “orde diensten”.

A reduci “goederen en diensten”

Gobierno tambe a reduci su gastonan general, maske cu tin inflacion. Aki tambe a sigui conseho di CAFt pa corta gasto.

A reduci defecit

Por ultimo, Gobierno a reduci e “rood” cu hopi miyones. For di 227 miyon defecit pa 2022, a reduciele te na 112 miyon, cual ta un reduccion di 115 miyon florin.

Tin mucho mas ehempel con a corta gasto, y sin acudi mes na e 13 puntonan cu tambe a cumpli cu nan.

LEAVE A REPLY

Please enter your comment!
Please enter your name here