Dialuna atardi, Promer Minister di Aruba a topa cu representante di Supermercadonan na Aruba. A pidi nan pa tene e prijsnan abao pa un periodo pa yuda baha e costo di bida.
Promer minister a bisa: “Awe tardi nos a reuni cu representantenan di supermercadonan chines na Aruba. Nos a scucha nan preocupacionnan. Di nos banda, nos a hasi un apelacion riba nan pa yuda baha e prijsnan pa un periodo, pa yuda baha costo di bida.
Prijsnan a subi den tur pais, debi na e guera di Ukraina. Gabinete Wever-Croes 2 ta buscando un alivio. Nos lo sigui den dialogo pa logra trese alivio pa nos cuidadanonan den e tempo dificil aki.”
