Ayera e portal di noticia EA-NEWS a trece un intresante noticia, relata na abogado Geoffrey Wever cu a lansa su mes riba lista di RAIZ.
E portal ta cuestiona, si Goeffrey ta actuando den cuadro di moral y etica, regardando asuntonan di tereno.
E informe ta relata con un tereno cu a wordo otroga na un tal Velasquez, a end up den man di Geaoffrey of su famia.
Mas cu claro, usando buraconan den ley, pa asina por “cumpra” o “bende” tereno erfpacht. E mes un acusacionnan cu awendia tin den caso Avestruz, e mes practicanan!
EA-News a haci e pregunta: Geoffey tawata biba na Esmeralda 34-B pa un tempo, mientras cu e tambe tin un na cas na Rooi Santo (Opal).
Loke ta bin aparece ta cu e cas cu e tawata biba na dje na Esmeralda 34-B ta pertenece na Gustavo Raulito Velasquez, pero conforme e acta di kadaster Sra. Marlyn Ingrid Croes y Jacinto Christian Paulus Wever (mama y tata di Geoffrey) a duna Sr. Gustavo Raulito Velasquez un hyotheek di Awg. 500.000. No ta duidelijk pa ki motibo a duna un hypotheek substancial aki, pero ta supone cu ta pa Sr Velasquez traha un cas? E tereno a wordu duna na Sr. Velasquez na 2016 (bou di minister Benny Sevinger como Minister di Infrastructura).
Geoffrey Wever y su socio Jeannot de Cuba tawata fungi como e abogadonan den e projecto di Green Coridor y Watty Vos
boulevard (projectonan bou di mando di gabinete di AVP) y tambe a acesora gobierno di AVP. Geoffrey su vinculo cu AVP no ta algo di awor of algo desconoci, por ehempel un di su miho amigo nan ta Richard Arends cu tempo di FESCA (wetenschappelijk Afdeling di AVP) e tawata yuda, tambe Geoffrey Wever tabata un invitado special di AVP na fiesta nan di gobernador (Nieuwsjaarborrel) pues e contacto entre Geoffrey Wever cu AVP ta extenso.
Ken ta Gustavo Raulito Velasquez? Nos investigacion ta mustra cu e ta bon un amigo di fiel campanjadornan di Benny Sevinger manera (Marlon Garage pabow di Cas di Partido di AVP) y e ta un karateka mescos Benny Sevinger. Sr. Velazquez ta den directiva di Aruba Pickle Ball Association y Shotokan Karate DO International y tambe ta mustra di tin e negoshi di security Aris Aruba Reliable Integrity Security & Services VBA. Pakiko esaki a relavante?
E informacionnan aki ta trece duda y varios pregunta ta lanta. Geoffrey Wever of su tata ta usa Sr. Velasquez (como stroman) pa asina haya tereno? Si esaki ta asina esaki ta cuestionable y ta trece duda den e integridad di Geoffrey Weyer! Conforme e acta di Kadaster ta mustra cu tata y mama di Geoffrey lo a ‘presta’ Awg. 500.000 na Sr. Velasquez. Aparte di e pregunta tocante e proposito di e prestamo aki, e placa aki a bay berdad pa Sr. Velasquez? Sr. Velasquez a traha e cas of Geoffrey of su tata a traha e cas cu nan propio placa? Sr. Velasquez a fungi como stroman y si ta asina, pa ki motibo?
Kico ta e relacion entre Geoffrey, e tata y mama di Geoffrey y Velasquez? Geoffrey -cu inicialmente tabata biba na Esmeralda 34-B -ta e architect di e cos aki? E meneer Velasquez tin un link/rol den e caso Avestruz? E la wordu usa pa Susebeek tambe?
E cos aki ta hole hopi malo!! Geoffrey tin un link/rol den Avestruz? Nos investigacian ta mustra cu Sr. Velasquez como donjo juridico di e cas na Esmeralda siendo su mes NUNCA A BIBA na Esmeralda 34-B. Dus cu otro palabra Velasquez ta presta Awg. 500.000 di tata y mama di Geoffry y nan ta ricibi un hypotheek a cambio? Nos ta supone pa traha cas y bo persona mes nunca ta bay biba den bo propio cas? RARAI! Sr. Velasquez ta registra na Schelpstraat nr.33? Den Rancho di Benny!
Si bo mira e link di Geoffrey cu AVP y modus operandi den e caso di Avestruz di usa stroman pa pone tereno ariba nomber di otro e ta duna indicacion cu Geoffrey a hasi use di su contacto den AVP pa haya e tereno na Esmeralda 34-B? E ta hopi conoci cu Sr. Susebeek (sospechoso grandi den e caso Avestruz ainda deteni) tambe “tin” varios tereno na Esmeralda (dilanti su propio cas) usando stroman (of vrouw) pa asina e por haya e tereno nan.
Bo ta puntra bo mes ta ki research Ursel Arends a hasi ariba Geoffrey Wever prome cu e la drenta RAIZ? E asunto aki tabata conoci, den cuadro di transparencia? Tin un splicacion pa e asunto aki? Tin cosnan coruptivo a tuma lugar referente e asunto aki? Raiz ta
hanja e tipo di cosnan aki normal? No cuestionabel? Raiz ta pensa den mesun manera cu Mike Eman y AVP den inocensia di Benny? E slogan di RAIZ ta: “NOS NO TA NAN”. E informacion ricibi y ta trece den duda cu Geoffrey y Raiz TA NAN, mirando cu na momento a distancia di practicanan di tereno al igual cu AVP. Geofffrey lo pasa screening? Un clarificacion di Geoffrey ariba e asunto aki ta na su lugar. Keda pendiente paso nos ta sigui investiga!
