MARIE-CLAIRE HEINZE A DEFENDE SU TESIS, “ARUBA’S CAPABILITIES AND THE DEVELOPMENT OPPORTUNITIES FOR THE PRIMARY SECTOR”, CU ÉXITO.
ORANJESTAD – Diabierna, dia 3 di December den e College zaal na Santa Rosa, Marie-Claire Heinze, studiante di e Facultad di FEF di Universidad di Aruba, a defende su tesis y a logra su titulo di Bachelor den Accounting y Finanzas cu exitosamente. Despues di varios luna di preparación, estudio y entrevista cu diferente stakeholders y experto nan den e diferente sector nan di Agricultura, Criansa y Pesca, finalmente Marie-Claire a finaliza su scriptie cual tabata bastante extenso. Den su tesis, Mari-Claire, a studia y evualua e potential di e 3 sector nan cual ta forma nos Sector Primario, analizando tur información y documento pa asina por a logra analiza y duna e recomendacion ariba cada sector. Ela presenta tanto e potential como e limitación nan pa cada sector y alavez a elabora ariba e diferente recomendación y strategia cu lo ta relevante pa por desaroya cada sector. Su documento final, sigur lo aporta como sugerencia nan pa nos Sector Primario den su totalidad. E resultado final a mustra, cu cada Sector tin su potential a pesar di tur e limitación nan cu actualmente tin. Sin embargo, ela presenta tambe Kiko por ta posible solución, cual ta exigi e determinación di tanto e Mandatario nan como diferente Departamento nan Gubernamental y priva, cu mester traha conhuntamente pa por tin resultado nan exitoso den cada sector.
E panel di examinadonan, cu tabata responsable pa controla y finalmente evalua tanto su raport como su defensa mediante su presentación, tabata Sr. Eduard Erasmus y Sr. Joost Jacobs, ambos Docente di FEF como tambe Sra. Nathalie Maduro, Director pa Departamento di Agricultura, Cria y Pesca -Santa Rosa. Tambe presente na e ocasión aki, tabata su mayor nan, ruman, familiares y demás invitado nan special.
Sra. Maduro a felicita Marie-Claire y gradicie pa su interés den e tema aki y alavez a tuma e probecha pa gradici tambe ambos Docente y Universidad di Aruba, pa e oportunidad di por traha conhuntamente cu studiante nan di dicho facultad pa nan cooperación y pa aporta na stimula nos futuro generación encuanto di e importancia di nos Sector Primario.
Staff y personal di Santa Rosa ta felicita Marie-Claire Heinze cu e bunita logro aki.
