Den campaña y tambe dia 13 di maart 2025, Gerlín a bisa cla cu un di su prome decision lo ta pa habri e frontera cu Venezuela. E promesa aki a duna speransa na hopi venezolano cu a vota pa Gerlien.
Pero e realidad ta otro cos. Riba 23 di april, Gerlien a prolonga e cierre di frontera pa 4 luna mas. E mesun persona cu a priminti pa habri, ta cere, sin ningun splicacion, sin comunicado di prensa, sin transparensia.
Esaki ta mas cu un promesa kibra — ta un engaño, un falta di respet pa pueblo cu a confia den dje.
Contrario na e ex-gobernacion di Evelyn, nunca a priminti di habri e frontera i semper a keda cla den su postura, Gerlíen a usa e tema pa gana voto i awor ta core pa su palabra. Evelyn no tabata popular pa tur hende, pero su palabra tabata cla i firme.
E hecho cu ela mantene frontera cera, ta muestra cu e ta sigui maneho di Evelyn. Habri frontera ta un risico. Pero Gerlien a usa e voto Venezolano pa yega na poder cu mentira.
