Diahuebs ultimo, na Club Trucupey di Barranquilla, Colombia, a celebra e premiacion di e prestigioso Premios Musica Colombiana. Durante e evento aki, Glenda Zavala, reconocido gestor cultural y compositor di Vallenato, a wordo homenahea cu un premio, ricibiendo esaki cu un emocion profundo.
Glenda Zavala ta director di Voces Femeninas del Folclor, un iniciativa cu ta busca pa sostene hende muhe talentoso cu habilidad extraordinario pa canto, pero cu ta enfrenta dificultad economico pa graba nan cancionnan. E grupo aki ta traha cu 45 compositor y 15 cantante, promoviendo creacion y grabacion di cancion cu ta resalta bos femenino di diferente parti di mundo.
E proyecto no solamente ta fomenta e talento local, sono tambe ta busca internacionalisa e folklore a traves di colaboracion global. Un di e caracteristicanan calve t’e compositornan envolvi ta asumi e costonan di produccion, sigurando cu e cantantenan por enfoca riba na arte sin preocupacion economico.
Aunke ta un tarea desafiante, Glenda Zavala y su team ta comprometi cu e crecemento y e visibilidad di e talento femenino den musica. Un palabra di pabien ta bay n’e gestor cultural incansabel aki pa su merecido reconocemento.
