Mayornan di mucha cu discapacidad intelectual sin transport subsidia despues di recorte gubernamental
Oranjestad – Un preocupacion grandi ta surgi den comunidad despues cu algun mayornan di mucha cu discapacidad intelectual a ricibi notificacion di un recorte den subsidio di transport, cu ta afectando clientenan di SVGA (Stichting Verstandelijke Gehandicapten Aruba).
Den un reaccion fuerte riba Facebook, un cuidadank a expresa su indignacion na Minister Gerlien Croes y Minister Mervin Wyatt Ras, pidiendo un splicacion pa pueblo, especialmente e mayornan di mucha cu ta depende di e skol y servisio di SVGA. Segun e cuidadano, Minister Ras tabata na SVGA algun siman pasa, sacando portret cu yen di fanfaria y primintiendo un solucion, pero un par di siman despues mayornan a wordo notifica cu e recorte ta pasa efectivo per Augustus 2025.
“Wel wel. Een dikke foei pa boso tur y berguensa boso mester tin pa kita esaki for di esnan mas vulnerable den comunidad,” e cuidadano a bisa den su publicacion.
E ta agrega cu mientras hopi cos ta wordo tapa y redacta bunita pa pueblo no haña sa, realidad ta cu esnan cu mas necesid ta sufri. “Basta boso papia di tin inclusion na pecho, den serio? Boso mester tin berguensa!” a conclui cu decepcion grandi.
E situacion aki ta pone mas presion riba gobierno pa brinda claridad y solucion urgente pa un grupo cu ta conta riba transport sigut y stabil pa continua nan desaroyo y bienestar diario.
Na inicio di Gobierno, Gerlien Croes a broma di lo corta 10% di presupuesto generalmente riba tur cos. Ata awor e consequencianan a cuminza bati na porta.
Pasa pen cora den begroting sin ningun estudio no por ta algo serio.
