Gobierno a emiti informacion riba prespuesto 2024. Riba e foto informativo hunto cu e artikel aki por mira con e entrada y gasto ta corela cu otro. Ta mustra cu pa aña 2024, tur esfuerso ta wordo haci, pa logra 70 miyon florin, pa asina por bay paga bek e debe causa pa Mike Eman su gobierno di 2009 pa 2017. Mester remarca cu pa aña 2023 e surplus ta 60 miyon y pa 2024 e ta 70 miyon. Pues den 2 aña 130 miyon cu ta destina pa paga debe y no sigui haci debe riba debe. For di e tabla aki por mira cu nos ta pagando 281 miyon florin di intrest pa aña. Y si nos paga e debe, e intrest aki tambe ta cuminza baha. Ora nos logra domina e debe, e pueblo lo haya alivio, pasobra enbes di paga intrest, ta keda placa pa inverti den pais.
