Diamars mainta Gobierno a informa oficialmente cu cualkier doño di cas of apartamento cu ta huur su propiedad na persona cu ta den pais ilegalmente, por enfrenta boet of acusacion penal.
Segun e comunicado, doñonan di vivienda cu ta facilita permanencia ilegal ta cometiendo un delito segun ley di migracion.
Kiko ta considera como violacion?
Gobierno a splica cu si bo ta huur bo cas na un persona:
cu a drenta pais como turista pero a pasa su tempo legal di estadia, cu no tin permiso di residencia valido, cu no tin permiso di trabou legal,
i bo sa of mester a sa cu e persona ta ilegalmente den pais, bo por enfrenta consecuencianan penal.
No solamente e ilegal ta wordo sanciona
E ministro a enfatisa cu medida no ta solamente dirigi contra personanan ilegal, pero tambe contra:
empleadornan cu ta duna trabou ilegal, huurdo of doñonan di cas cu ta yuda mantene permanencia ilegal.
Gobierno a indica cu lo reforsa control migratorio i lo tuma accion severo contra cualkier persona cu ta violando e ley.
Responsabilidad di huurdo
Autoridadnan ta aconseha doñonan di vivienda pa:
✔️ Verifica status legal di inquilino
✔️ Pidi documentonan oficial
✔️ Controla validez di permiso di residencia of trabou
Gobierno ta pone enfasis cu responsabilidad ta comparti i cu colaboracion di comunidad ta esencial pa mantene orden i cumpli cu ley di migracion.
Mas informacion lo wordo anuncia den siguiente comunicadonan oficial.
