Durante un conferencia di prensa, Gobierno a duna mas claridad tocante e plan pa asfaltacion di caminda pa e aña 2025. Esaki ta sigui un plan structural pa mehora infrastructura vial di Aruba. Diferente area lo wordo asfalta, uzando e fondonan di aña anterior y di 2025.
Pa e fondonan di 2022 y 2023, algun di e trabou ya ta na ehecucion of ta den su fase final. Esaki ta inclui area manera Alto Vista – Kudawecha, divers caminda den Shiribana, Tanki Leendert, Ayo, Savaneta y e entrada di Secrets Hotel.
Pa e fondo di 2024, lo tabata e turno di Opal, Ruby, Sabana Basora, Savaneta, Sero Alejandro, Papilon y Pos Chikito, entre otro. E asfaltacion di 2025 ta agregando mas caminda na e lista, pa contiua e mehoracion di infrastructura.
Gobierno a enfatisa cu ora e trabou tin un fecha exacto pa inicia, lo duna mas informacion. Esaki ta parte di un esfuerso pa mehora mobilidad y confort di ciudadano y bishitante.
