Fundacion Dominicana Arubanse Juan Pablo Duarte ta invita henter e comunidad di Aruba pa participa den nan gran Radioton cu lo tuma luga diadomingo 16 di augustus proximo. E actividad aki lo cuminsa for di 10:00 am y lo culmina pa 6:00 pm na nan sede situa den Nieuwstraat 34 D.
E evento tin como meta principal recauda fondo pa e fundacion por sigui cu su labornan social, den cuadro di e conmemoracion di e di 15 aniversario di e organisacion dunando servicio continuo na e comunidad bao di e lema “Uniendo corazones, fortaleciendo nuestra comunidad”.
Durante e dia aki, e famianan lo por disfruta di un ambiente ameno caminda lo tin Dino Jump pa e muchanan diberti, como tambe un gran variedad di cuminda tipico di Republica Dominicana pa e bishitantenan por cumpra y apoya e causa aki. Ademas, tur persona cu haci nan aporte lo participa pa gana hopi premio sorpresa.
E comunidad por haci nan donacion den efectivo, via pago electronico of door di haci un deposito of transferencia bancario directo na RBC riba e cuenta 44730947. Pa mas informacion of pa duna un man amigo, por tuma contacto na e telefonnan 592-1679, 562-3093 of 582-1679.
