SOLO DI PUEBLO a bin ta tumando nota di e ansha cu tin serca gruponan di poder Hulandes.
Nan kier reconquista Aruba, y goberne for di Hulanda, bek na aña 1930, unda Ministernan Hulandes ta dicta.
No por tin otro splicacion, ora cu nan ta pone precion den tur sorto di forma y kier goberna for di Den Haag.
Awor tin un Caft cu no ta rasona, no kier accepta cu nos ta den un normal nobo. Segun Caft nos ta bek na pre pandemia unda tur cos mester draai normal.
Nan ta poniendo un precion tenas pa laga tur cos bay malo na Aruba.
Cera Serlimar, no paga 5% bek, no soluciona problema na Bubali plas, Cobra pueblo 20 miyon e anja aki, hisa loonbelasting. Y asina nos por sigui menciona.
Nan no sa mes cu tin guera y nan no sa cu tin inflacion mundial.
Ta manera cos nan kier kibra Aruba pa Hulandesnan bin cumpra tur cos na vindishi ?
Esta mahos e pensamento di e grupo ta! Y nan no tin berguenza ninguno pa pone tur e disparatenan aki riba papel.
SOLO DI PUEBLO ta hasi un yamada na Gobierno, pa bay duro contra nan tur.
No Keda wanta baina of tene silencio riba nan chambonadanan pasorba no ta husto.
Dicon nan ta yuda Ucrania cu miyones pa guera? Yuda Africa, Colombia, Spaña, Portugal, ? Anto trapa riba Aruba dje forma aki?
Nos lo sigui analisa..
