Awe un grupo di diestres hoben nobo balente a cuminsa oficialmente cu nan formacion na Politie Opleidingsinstituut Edgar Joaquin “Watty” Vos na San Nicolas. Prome cu nan a yega na e instituto di formacion, e aspirantenan a pasa tres dia di entrenamento intensivo na Marinierskazerne Savaneta. E meta di esaki ta pa siña e hobennan traha den ekipo y pa nan conoce otro den diferente situacionnan. Condicionnan dificil y diferente scenario a pone e hobennan aki bao presion fuerte riba nan estado mental y emocional, y ta precisamente den momento asina cu e trabao den ekipo ta bira esencial.
E “ontgroening” a culmina cu un actividad fisico intensivo den cual e aspirantnan a core for di Marinierskazerne Savaneta te na Scol di Polis, unda Minister di Husticia mr. drs. Arthur Dowers, hunto cu Altocomisario di Polis Ramon Arnhem y instructornan di e scol tabata warda riba nan yegada. Cu perseverancia, e hobennan a pasa mey mey di e otro aspirantnan cu tabata para cada banda pa saluda nan coleganan nobo.
E formacion di e grupo nobo di polis ta cuminsa cu seis luna di teoria, sigui pa seis luna di experencia practico den straatdienst bou di guia di un superior. Ta trata di un educacion dirigi riba e profesion di polis, structura den un trayecto di traha y siña, unda teoria y practica ta bay man den man.
Despues di e prome aña, e aspirantnan lo sigui cu un aña di entrenamento practico pa completa nan educacion di N2. Despues di esaki, nan lo tin oportunidad pa sigui desaroya nan mes den educacion policial door di sigui cu e educacion di N3 y N4, cu ta permiti nan sigui crece profesionalmente den Cuerpo Policial.
Durante e occasion aki, Minister Dowers a dirigi palabra na e aspirantnan y a felicita nan pa a alcansa e punto importante aki, cu ta marca e inicio di nan training como polis. E profesion di polis ta bin cu un responsabilidad grandi y ta rekeri disciplina, perseverancia y profesionalismo.
Minister Dowers a recorda tur aspirant cu unabes nan subi caya, pa nan sirbi e comunidad cu respet y dignidad. Finalmente e mandatario di husticia a desea e grupo hoben sabiduria, perseverancia y exito durante nan formacion y carera.
Nieuwe lichting aspirant-politieagenten start opleiding aan de Politieacademie Edgar Joaquin “Watty” Vos
Vandaag is een nieuwe groep van dertien moedige jongeren officieel begonnen met hun opleiding aan het Politie Opleidingsinstituut Edgar Joaquin “Watty” Vos in San Nicolas. Voordat zij aankwamen bij het opleidingsinstituut hebben de aspiranten drie dagen intensieve training doorgebracht bij de Marinierskazerne Savaneta. Het doel hiervan was om de jongeren te leren samenwerken in teamverband en elkaar beter te leren kennen in verschillende situaties. Moeilijke omstandigheden en verschillende scenario’s zetten deze jongeren onder sterke druk, zowel mentaal als emotioneel, en juist op zulke momenten wordt teamwork essentieel.
De “ontgroening” werd afgesloten met een intensieve fysieke activiteit waarbij de aspiranten van de Marinierskazerne Savaneta naar de Politieacademie hard moesten lopen. Daar werden zij opgewacht door de Minister van Justitie, mr. drs. Arthur Dowers, samen met Korpschef Ramon Arnhem en de instructeurs van de academie. Met doorzettingsvermogen liepen de jongeren tussen de huidige aspiranten door, die aan beide zijden opgesteld stonden om hun nieuwe collega’s te verwelkomen.
De opleiding van deze nieuwe groep politieagenten begint met zes maanden theoretische scholing, gevolgd door zes maanden praktijkervaring in de straatdienst onder begeleiding van een leidinggevende. Het betreft een beroepsgerichte opleiding die is opgebouwd als een werkend-lerend traject, waarbij theorie en praktijk hand in hand gaan.
Na het eerste jaar volgen de aspiranten nog een jaar praktische training om hun N2-opleiding af te ronden. Daarna krijgen zij de mogelijkheid om zich verder te ontwikkelen binnen het politieonderwijs door het volgen van de N3- en N4-opleidingen, waarmee zij professioneel kunnen doorgroeien binnen het Korps Politie Aruba.
Tijdens de gelegenheid richtte minister Dowers het woord tot de aspiranten en feliciteerde hij hen met het bereiken van deze belangrijke mijlpaal, die het begin markeert van hun opleiding tot politieagent. Het politievak brengt een grote verantwoordelijkheid met zich mee en vereist discipline, doorzettingsvermogen en professionaliteit.
Minister Dowers herinnerde alle aspiranten eraan dat zij, zodra zij de straat op gaan, de gemeenschap moeten dienen met respect en waardigheid. Tot slot wenste de minister van Justitie de jonge groep wijsheid, volharding en succes toe tijdens hun opleiding en verdere loopbaan.
