SOLO DI PUEBLO a haya contacto cu Richard Kramers, hefe di Guarda nos Costa, pa loke a keda treci den publicidad.
Contrario na loke a keda insinua, e Investigacion ta andando keto bay na Guarda nos Costa. No tabata tin fayo manera insinua.
Den fin di siman fuentenan den Guarda nos Costa a sigura cu a comete fayo grave ora a prohibi entrada di trahadonan den caso di huymento di un preso.
Sinembargo, nos redaccion a papia cu e hefe di GnC, Sr. Richard Kramers, y el’a garantisa SOLO cu tur cos ta canando normal y manera debe ser. Ta trata di un procedura normal, cu pa investigacion, unda ta wanta e trahadonan envolvi den e investigacion na cas. Esey ta pa evita cu ta stroba trabou di investigadonan.
Un ilegal a huy:
Kramers a splica cu dia 28 di maart un ilegal a huy di forma misterioso. Ta hopi importante pa asegura cu e ilegal ey no a haya ningun tipo di “ayudo” di paden.
Como tal, Guarda Nos Costa a confirma cu e investigacion ta andando keto bay den Guarda nos Costa y no ta manera otro fuentenan a trece dilanti, cu tin fayo. No tin ningun fayo!!
Pa ta enfatico, NO TIN FAYO, y e investigacion ta den pleno curso pa determina kico a sosode. No tin ningun decision pa hala aden e toegansontzegging na cinco trahador.
Ora un preso/ilegal huy no por ta asina cu ta “business as usual”. Den e maneho di Kramers, e ta pa para pa lo recto y corecto. Guarda nos Costa no ta algo facil, e tin su retonan, pero entodo caso ta hasi tur su esfuerso pa tur cos cana manera debe ser.