GUERA! Na salida di corte Jan de Ruijter tabata hopi rabia cu Min. Rudy Lampe: “Si mi top’e aworaki, mi ta dal’e un bofta den su cara”

0
1573

Jan de Ruijter ta hopi hopi rabia. Asina el’a declara na reportero di 24ora na salida di corte. Jan de Ruijter a bay corte contra Minister Rudy Lampe, pa asina e haya dos luna di salario paga. Jan a bisa cu e tabata traha cu Rudy Lampe, pero na April ultimo su contract a wordo termina. Jan no tin problema cu e terminacion. Loke e tin problema ta cu e falta dos luna di salario pa cobra. Segun por compronde cu Jan lo tabata aloca na EPI, pero lo tin un problema cu e director, unda pa un motibo of otro Jan lo no por wordo paga.

Jan a splica cu e defensa di Minister Lampe, hiba pa abogado Rosenstand, tabata ‘afschuwelijk’, pues un defensa hopi hopi baho. E defensa tabata asina baho, cu a lastra Jan de Ruijter di tal forma, cu a pone Jan rabia masha hopi mes. Na final di e entrevista, el’a bisa, cu e lo bay yama un conferencia di prensa otro siman, pa asina splica mas riba e situacion aki. Pasobra loke Rudy Lampe a haci ta nifica Guera. Y esun cu declara Jan de Ruijter guera, lo haya guera!

Tambe el’a bisa, cu e ta asina rabia, cu si e haya Minister Rudy Lampe su dilanti, e lo pase un “puñatazo”, lo pase un bofta den su cara.

LEAVE A REPLY

Please enter your comment!
Please enter your name here