Maldad y malisia kier drenta tur caminda, pasobra maldad no ta repesta, y ta pesey nos tin cu esforsa pa haci bon, y especialmente no paga malo cu malo, pero paga malo cu bon, demostrando asina di ta un disipulo di nos Senjor Cristo Hesus.
Inmoralidad sexual ta un di e tentacion mas grandi cu ta existi, hende cu ta perde tur berguensa y bay tras di pasion baho y perversidad, sin tene cuenta cu e cosnan ey no ta den boluntad di Dios. Y mas delicado ora nan wordo coregi nan ta rabia, y bisa no husgami, y bini cu tur sorto di pretexto pa legalisa nan bagamunderia.
Ta costa hende pa biba decente, riba un mundo caminda inmoralidad y abominacion cada dia ta wordo practica, pesey e palabra di Dios ta bisa pa esun cu ta puro mantene su mes puro y aparta for di tur clase di inmoralidad.
E enemigo di nos alma sa hopi bon con pa ganja hende y desvia nan pa e caminda di maldad, caminda hende no ta ripara cu ta diabel ta abusa di nan bida, pasobra alcohol y droga ta abuso di un ser humano, pasobra no ta e ser humano ta abusa di nan , pero ora e ser humano ta bao di e influencia, dominio di droga y alcohol e no por defende su mes, pasobra su mente ta complementamente domina.
Laga nos no lubida cu nos curpa ta tempel di Dios y e Spirito di Dios ta biba den nos.
Pesey nos mester haci tur esfuerso pa haci bon ya cu maldad ta loer 24/7.
Y no laga nos cansa di haci bon, pasobra na debido tempo nos lo cosecha, si nos no desmaya.asina anto mientras cu nos tin oportunidad . Laga nos haci bon na tur hende,y especialmente na esnan cu ta di famia di fe. (Galationan 6:9-19).
No cu mi a alcansa caba, of mi a bira perfecto caba,ma mi ta haci tur esfuerso, pa mi por gara e loke pa cual mi tambe a wordo gara, door di Cristo Hesus.Rumannan mi no ta pretende, cu mi mes a gare caba,ma un cos mi ta haci lubidando loke ta keda atras,y aspirando na loke ta dilanti,mi ta haci tur esfuerso,pa alcansa e meta,pa hanja e premio di e yamada celestial di Dios den Cristo Hesus. ( Filipensenan 3:12-13-13).
Awor pa e mesun motibo aki tambe . Haciendo tur diligencia,anjadi na boso fe birtud,, na boso birtud conocemento, y na boso conocemento dominio propio,y na boso dominio propio perserverancia. Y na boso perserverancia santidad, y na boso santidad carinjo fraternal,y na boso carinjo fraternal , amor . Pasobra si e calidadnan aki ta den boso,y ta aumentando,nan lo no laga boso keda inutil, ni sin fruta den e conocemento berdadero, di nos Senjor Cristo Hesus. Pasobra esun cu falta e calidadnan aki ta ciego of no ta mira leu y a lubida e purificacion di su picanan di antes.( 2 Pedro 1:5-10).
Tur loke boso haci, haci boso trabao di curason,como pa Senjor y no pa hende,sabiendo cu for di Senjor boso lo ricibi e recompensa di e herencia. Ta Senjor ta Esun cu boso ta sirbi. Pasobra esun cu haci malo, lo ricibi e consecuencia di e maldad cu e a haci, y esey sin distincion di persona.
Laga nos preserva e unidad di spirito den e vinculo di pas.( Efesionan 4:3).
Ata mi mi ta para na porta y ta bati, si un hende tende mi bos,y habri porta Lo Mi serca dje, y lo cena cune y e cumi.( Revelacion 3:20).
Sinceramente , Pastor Marcel Balootje
